එඩේරමුල්ල පොලිස් වසමේ පාදිලියාතුඩුය ප්‍රදේශයේදී පෙරේදා(17) නි‍වෙස් බිඳ දේපල සොරකම් කිරීමේ අපරාධයක් සම්බන්ධයෙන් එඩේරමුල්ල පොලිස් ස්ථානය මඟින් විමර්ශනයක් ආරම්භ කරන ලදී.

ඒ අනුව ඊයේ(28) රාත්‍රී කාලයේ එඩේරමුල්ල පොලිස් වසමේ පාදිලියාතුඩුව ප්‍රදේශයේදී එඩේරමුල්ල පොලිස් ස්ථානයේ නිලධාරීන් කණ්ඩායමක් විසින් ලද තොරතුරක් මත එම අපරාධයට සම්බන්ධ සැකකරුවෙකු හා සැකකාරියක් අත්අඩංගුවට ගෙන ඇත.

අත්අඩංගුවට ගත් සැකකරු වයස අවුරුදු 21 ක් වන අතර සැකකාරිය වයස අවුරුදු 20 ක් කැලණිය ප්‍රදේශයේ පදිංචි අඹුසැමි යුවලකි.

නිවසේ හිමිකරු සහ ඔහුගේ බිරිඳ නිවසින් බැහැර සිටියදී, ඔවුන්ගේ දියණිය පමණක් නිවසේ සිටි අවස්ථාවක මෙම සැකකරු හා සැකකාරිය නිවසට පැමිණ එම දියණියගේ ගෙලට තියුණු ආයුධයක් තබා බියගන්වා ලණුවකින් ගැට ගසා නිවසේ රන් ආභරණ කොල්ලකා පළාගොස් ඇති බවට සිදුකරන ලද විමර්ශනයේදී අනාවරණය වී ඇත.

සොරාගන්නා ලද රන් භාණ්ඩ කිහිපයක් පොලිස් භාරයට ගෙන ඇත.

එඩේරමුල්ල පොලිසිය වැඩිදුර විමර්ශන සිදුකරනු ලබයි.