අධ්‍යයන පොදු සහතික පත්‍ර සාමාන්‍ය පෙළ විභාගයට(2023/2024) පෙනී සිටින සිසුන්ගෙන් අයැදුම්පත්‍ර කැඳවීම හෙට සිට පෙබරවාරි 15 දක්වා මාර්ගගත ක්‍රමය ඔස්සේ පමණක් සිදුකරන බව විභාග දෙපාර්තමේන්තුව නිවේදනය කරයි.

ඒ අනුව, ලබන මස 15 වන දින මධ්‍යම රාත්‍රී 12න් පසුව සාමන්‍ය පෙළ විභාගයට මාර්ගගත ක්‍රමය ඔස්සේ අයැදුම් කළ නොහැකි බව විභාග දෙපාර්තමේන්තුව එම නිවේදනයකින් දැනුම්දෙයි.

කිසිදු හේතුවක් මත අයැදුම්පත් භාරගැනීමේ අවසන් දිනය දීර්ඝ නොකරන බවද අදාළ නිවේදනයේ දැක්වේ.