ඉකුත් වසරේ මහනුවර පල්ලෙකැලේ පැවැති ලෙජනඩ් ට්‍රෝෆි ක්‍රිකට් තරගාවලියේදී ක්‍රීඩකයන් දෙදෙනකුට තරග පාවාදීමට යෝජනා කළේ යැයි චෝදනා ලබා ඇපමත මුදා හැර සිටි කැන්ඩි සෑම්ප් ආමි කණ්ඩායමේ හිමිකරු වශයෙන් කටයුතු කළ ඉන්දීය ජාතික යෝගී පටෙල් නමැත්තා අධිකරණය මගහැර රටින් පළාගොස් තිබෙන බවට කරුණු අනාවරණය වී ඇතැයි නීතිපතිවරයා විසින් මාතලේ මහාධිකරණයට දැනුම් දී තිබේ.

මෙම කරුණට අදාළව නීතිපතිවරයා විසින් මාතලේ මහාධිකරණය හමුවේ ගොනුකර තිබෙන මෝසම මෙම කරුණු සඳහන් කර ඇත.

මෙම කරුණු සළකා බැලූ මාතලේ මහාධිකරණ විනිසුරුවරයා අදාළ විත්තිකරු අත්අඩංගුවට ගන්නා ලෙස දන්වමින් අද වරෙන්තු නිකුත් කිරීමටද නියෝග කළේය.