May 31, 2024
පසුගියදා (මැයි 16) ප්‍රකාශයට පත්කරන ලද එක්සත් ජනපද රාජ්‍ය දෙපාර්තමේන්තුවේ ත්‍රස්තවාදයට අනුබල දෙන රාජ්‍ය ලැයිස්තුවට කියුබාව ඇතුළත් කිරීම සම්බන්ධයෙන් ජාතික නිදහස් පෙරමුණ විරෝධතා මතු කර තිබේ.
පසුගිය කාලය තුළ ඉරාකය, ලිබියාව, දකුණු යේමනය සහ සිරියාව ඇතුළත් කිරීමෙන් එම ලැයිස්තුවට ඇතුළත් වන රාජ්‍යයන්ගේ ඉරණම හෙළි වී ඇති බව ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ පෙන්වාදෙයි.
මෙරට එක්සත් ජනපද තානාපතිනි ජුලී චන්ග් වෙත ලිපියක් යොමුකරමින් මන්ත්‍රීවරයා මෙම විරෝධය දැනුම්දී තිබේ.
ප්‍රජාතන්ත්‍රවාදය සහ මානව හිමිකම් අගයන රටවල් පමණක් නොව ලෝකයේ සියලූම ජාතීන් මෙම රටවලට අත්ව ඇති ඉරණම හෙළාදැකිය යුතු බවද ඔහු වැඩිදුරටත් පවසයි.
“මෙය පරාජය කළ යුතු ප්‍රවණතාවක් වන අතර කියුබානු රාජ්‍යයට හිතවත් රටවල් එක්සත් ජනපද රාජ්‍ය දෙපාර්තමේන්තුව ගෙන ඇති තීරණයට විරෝධය පළකරන අතර අනෙක් සියලුමදෙනාද ඊට එක්විය යුතුය.
“ශ්‍රී ලංකාව කියුබාවේ සාම්ප්‍රදායික මිතුරකු වූ රාජ්‍යයක් ලෙස සහ අපගේ දේශපාලන පක්ෂය එක්සත් ජනපද රාජ්‍ය දෙපාර්තමේන්තුවේ “ත්‍රස්තවාදයේ රාජ්‍ය අනුග්‍රාහක ලැයිස්තුවට කියුබාව ඇතුළත් කිරීමට එරෙහිව සෙසු ජාතියේ සහය දක්වන කියුබාව සමග එක්වෙනවා,” මන්ත්‍රීවරයා වැඩිදුරටත් සඳහන් කර ඇත.
