එක්සත් ජනපද McDonald’s සමාගම ශ්‍රී ලංකාවේ හවුල්කරු සමඟ ගිවිසුම අවසන් කර ඇති බවත් රට තුළ ඇති සියලුම අලෙවිසැල් 12 වසා දමා ඇති බවත් එම සමාගමේ නීතීඥයා රොයිටර්ස් පුවත් සේවයට පවසා තිබේ.

McDonald’sහි නීතීඥ සනත් විජේවර්ධන පැවසුවේ, ප්‍රමිති ගැටලු හේතුවෙන් බලයලත් සමාගම සමඟ ඇති ගිවිසුම අවසන් කිරීමට මව් සමාගම තීරණය කර ඇති බවයි.

“එම සමාගම දැනට මේ රටේ ව්‍යාපාර කරන්නේ නැහැ. නමුත් ඔවුන් නව ෆ්‍රැන්චයිසියක් සමඟ නැවත පැමිණීමට හැකියි.” යනුවෙන් ඔහු පැවසීය.

මීට අදාළ ගනුදෙනුව පසුගිය බදාදා අවලංගු කළ නමුත් වෙළඳසැල් දින කිහිපයක් අඛණ්ඩව ක්‍රියාත්මක වූ බව ඔහු පැවසීය.

McDonald’s අධිකරණය හමුවට යෑමට හේතුව පිළිබඳ ගැටලුව විස්තර කිරීම විජේවර්ධන ප්‍රතික්ෂේප කළ බව රොයිටර්ස් පුවත් සේවය වාර්තා කළේය.