January 17, 2025
පොලිස් මත්ද්‍රව්‍ය කාර්යාංශය කුරුණෑගල ප්‍රදේශයේදී රුපියල් මිලියන 283 කට අධික මුදල් ප්‍රමාණයක් අත්අඩංගුවට ගත් අතර එය ශ්‍රී ලංකා පොලිස් ඉතිහාසයේ මෙතෙක් සොයා ගත් විශාලතම මුදල බව පැවැසේ.
මත්ද්‍රව්‍ය ජාවාරමෙන් ලැබුණු බවට විශ්වාස කෙරෙන මෙම මුදල්, නිවසක සඟවා තිබූ අතර වාහන දෙකක් සමඟ සොයාගෙන ඇත.
වැඩබලන පොලිස්පති ප්‍රියන්ත වීරසූරිය ජනමාධ්‍ය හමුවකදී පැවසුවේ, මෙම මුදල් බන්ධනාගාරය තුළ සිට ක්‍රියාත්මක වන මත්ද්‍රව්‍ය ජාවාරම්කරුවෙකුට අයත් බවයි.
පොලිසිය මෙම මුදල් සොයාගැනීම පිළිබඳව කුරුණෑගල මහේස්ත්‍රාත් අධිකරණයට දැනුම් දී ඇති බව ඔහු පැවැසීය.
