මහනුවර, ඇහැලේපොළ වලව්ව සඳහා යෝජිත සංවර්ධන ව්‍යාපෘතිය සඳහා අනුමැතිය ඉල්ලා නාගරික සංවර්ධන හා නිවාස අමාත්‍යංශය කැබිනට් පත්‍රිකාවක් ඉදිරිපත් කිරීමට නියමිතය.

ශ්‍රී ලංකාවට නිදහස ලැබීමෙන් පසු සමයේ බෝගම්බර බන්ධනාගාරයට ඇති ඓතිහාසික වැදගත්කම හා බැඳීම නොතකා ඇහැලේපොළ වලව්වේ ඉරණම දැන් රඳා පවතින්නේ ශ්‍රී දළදා මාලිගාවේ ප්‍රතිචාරය මතයි.

මහනුවර නගර සංවර්ධන සැලැස්මට අනුව ඇහැලේපොළ වලව්ව සම්බන්ධයෙන් නාගරික සංවර්ධන අධිකාරියට බලය ඇත.

ආසන්න වශයෙන් මාස හයකට පමණ පෙර නාගරික සංවර්ධන හා නිවාස අමාත්‍යංශය විසින් එහි භාරකාරත්වය ශ්‍රී දළදා මාලිගාවට පැවරීමට යෝජනා කරන ලදී.

එහෙත් දේපළ සංවර්ධනය සඳහා වැයකළ රුපියල් මිලියන 147ක මුදල ආපසු ගෙවීම සම්බන්ධයෙන් දළදා මාලිගාව පැහැදිලි පිළිතුරක් ලබා දීමට අපොහොසත් වීමත් සමඟ ගැටලු ඇති විය.

ශ්‍රී දළදා මාලිගාව විසින් මෙම මුදල නොපියවුවහොත් හෙළිදරව් නොකළ වෙනත් ආයෝජන ව්‍යාපෘතියක් සඳහා දේපළ නැවත ලබාදිය හැකි බව නාගරික සංවර්ධන ඇමැති ප්‍රසන්න රණතුංග මේ වනවිට ප්‍රකාශ කර තිබේ.

නිශ්චිත තොරතුරු අනාවරණය වී නොමැති අතර, ඇහැලේපොළ වලව්වේ පෞරාණිකත්වය ආරක්ෂා කිරීමේ වැදගත්කම ඇමැතිවරයා අවධාරණය කර ඇත.

මේ අතර වෙළඳ අමාත්‍යංශය සතු ඉඩම් මධ්‍යම පන්තිය ඉලක්ක කර ගනිමින් මිශ්‍ර සංවර්ධන හෝ නිවාස ව්‍යාපෘතියක් සඳහා යොදා ගැනීමට ඇමැතිවරයා යෝජනා කර ඇත.

මෙම ව්‍යාපාරය සඳහා නිල අනුමැතිය ලබා ගැනීම සඳහා අමාත්‍යංශ දෙකම එක්ව සකස් කරන ලද ඒකාබද්ධ කැබිනට් පත්‍රිකාවක් ඉදිරිපත් කිරීමට බලාපොරොත්තු වේ.

තවද අත්තනගල්ල මැතිවරණ බලප්‍රදේශයේ ඇවිදින මංතීරුවක් පිහිටුවීම, නිට්ටඹුව සංඝබෝධි විද්‍යාලය ඉදිරිපිට වටරවුමක් නිර්මාණය කිරීම, නිට්ටඹුව නගරයේ මාර්ග තදබදය අවම කිරීමට පියවර ගැනීම, අතුරු මාර්ග වැඩි දියුණු කිරීම ඇතුළු විවිධ යටිතල පහසුකම් සංවර්ධනය පිළිබඳ සාකච්ඡා කර තිබේ.

මෙම යෝජිත සංවර්ධන මුලපිරීම් වැඩිදුර අනුමැතිය සඳහා අත්තනගල්ල ප්‍රාදේශීය සම්බන්ධීකරණ කමිටුව වෙත ඉදිරිපත් කිරීමට නිර්දේශ ඉදිරිපත් කර ඇත.

නාගරික සංවර්ධන අධිකාරියේ නිශ්චල දේපළ හා ඉඩම් කළමනාකරණ නියෝජ්‍ය අධ්‍යක්ෂ ජනරාල් ඊ.ඒ.සී. ප්‍රියශාන්ත පවසන්නේ මෙම ව්‍යාපෘතිය පිළිබඳව තවමත් අධිකාරියට නිල වශයෙන් දැනුම්දී නොමැති බවයි.

(The Sunday Morning)