සමාජ මාධ්‍ය සහ අනෙකුත් වෙබ් අඩවිවල හුවමාරු වන අසත්‍ය කාලගුණ ප්‍රවෘත්තිවලට හසු නොවන ලෙස කාලගුණ විද්‍යා දෙපාර්තමේන්තුව මහජනතාවගෙන් ඉල්ලා සිටී.

නිවේදනයක් නිකුත් කරමින් එම දෙපාර්තමේන්තුව පැවසුවේ ශ්‍රී ලංකාවේ කාලගුණය පිළිබඳ අසත්‍ය කාලගුණ අනාවැකි කිහිපයක් මේ වන විට සමාජ මාධ්‍යවල සංසරණය වන බවයි.

කාලගුණ විද්‍යා දෙපාර්තමේන්තුව මහජනතාවගෙන් ඉල්ලා සිටියේ දෙපාර්තමේන්තුව විසින් නිල වශයෙන් විකාශනය කරන ලද කාලගුණ අනාවැකිය කෙරෙහි අවධානය යොමු කර උපදෙස් අනුගමනය කරන ලෙසයි.

නිල කාලගුණ අනාවැකිය https://meteo.gov.lk හෝ https://www.facebook.com/SLMetDept/ හරහා ලබා ගත හැකිය.