November 29, 2024
තත්‍ය කාලීන වායු තත්ත්ව දර්ශකයට (AQI) අනුව ශ්‍රී ලංකාවේ වායුගෝලයේ පෙන්වා දී ඇති වායු දූෂණ මට්ටම තවමත් අවදානම් තත්ත්වයක පවතින බව අනාවරණය වේ.
මෙම සෞඛ්‍යයට අහිතකර වායු තත්ත්වය යාපනය, කිලිනොච්චිය, ත්‍රිකුණාමලය, පුත්තලම, දඹුල්ල, මාතලේ, මීගමුව, මහනුවර, කොළඹ, රත්නපුර, අම්බලන්ගොඩ සහ ගාල්ල යන ප්‍රදේශවල ‘වායු දූෂණ මට්ටමක’ පවතින බව දර්ශකය පෙන්වා දී ඇත.
මෙම කලාපවල සෞඛ්‍ය සම්පන්න නොවන වායු තත්ත්ව තත්ත්වන් වාර්තා වන බැවින්, ශ්වසන සංකූලතා ඇති පුද්ගලයන්ට මුහුණු ආවරණ පැළඳීම සහ බාහිර පරිසරයට නිරාවරණය නොවී සිටීම වැනි පූර්වාරක්ෂක ක්‍රම අනුගමනය කරන ලෙස උපදෙස් දෙනු ලැබේ.
මේ අතර, මඩකලපුව, මහියංගන, මොණරාගල, හුලංදාව, හුංගම වැනි ප්‍රදේශවලද සෞඛ්‍යයට අහිතකර මට්ටමක් වාර්තා වන බව දැකගත හැකිය.
නුවරඑළිය සහ දියතලාව මධ්‍යස්ථ වායු දූෂණයක් පවතින ප්‍රදේශ ලෙස නම් කර ඇත.
වායු තත්ත්ව දර්ශක (AQIs) සෞඛ්‍ය බලපෑම් අනුව වර්ගීකරණය කරන ලද වායු දූෂණ මට්ටම් පිළිබඳ මිනුමක් සපයයි.
