ශ්‍රී ලංකාව සහ ඕස්ට්‍රේලියාව අතර වෝන්-මුරලිදරන් කුසලානය සඳහා ගාල්ලේදී පැවැත්වෙන තරග දෙකකින් යුත් ටෙස්ට් තරඟාවලිය 2023-25 ​​ලෝක ටෙස්ට් ශූරතා (WTC) තරග චක්‍රයේ අවසන් ටෙස්ට් තරඟාවලිය බවට පත්ව තිබේ.

ශ්‍රී ලංකා ක්‍රිකට් ආයතනය පසුගිය සිකුරාදා එම සංචාරයේ කාලසටහන නිකුත් කළේය.

ICC ලෝක ටෙස්ට් ශූරයන් වන ඕස්ට්‍රේලියාව ​​ලෝක ටෙස්ට් ශූරතා ප්‍රමුඛ පුවරුවේ පළමු ස්ථානයේත් ඉන්දියාව දෙවැනි ස්ථානයේත් ඊට පිටුපසින් ශ්‍රී ලංකාව තුන්වැනි ස්ථානයේත් සිටී.

කෙසේවෙතත්, ඉදිරි තරඟාවලියට පෙර විශ්ලේෂකයන් පවසන්නේ ලබන ජුනි මාසයේ ලෝඩ්ස් පිටියේ පැවැත්වෙන අවසන් තරඟයේ ස්ථානයක් වෙන්කර ගැනීමට ඉදිරියෙන්ම සිටින හොඳම කණ්ඩායම් තුන සහ දකුණු අප්‍රිකාව අතර දැඩි තරගයක් ඇති විය හැකි බවයි.

දකුණු අප්‍රිකාව වසර 16කට පසු එම කලාපයේ ඔවුන්ගේ පළමු ටෙස්ට් තරඟාවලි ජයග්‍රහණය සනිටුහන් කළේ බංග්ලාදේශයට එරෙහිව 2-0ක පිරිසිදු ජයක් සටහන් කරමිනි.

ඔවුන් නොවැම්බර්-දෙසැම්බර් මාසවල ටෙස්ට් තරඟ දෙකක් සඳහා ශ්‍රී ලංකාවට සත්කාරකත්වය සපයන අතර එම තරඟ පළමු වරට අවසන් මහා තරගයකට ඉදිරිපත් වීමේ ඔවුන්ගේ අභිලාෂයන් සඳහා තීරණාත්මක වනු ඇත.

ශ්‍රී ලංකාව සහ ඕස්ට්‍රේලියාව අතර පළමු ටෙස්ට් තරගය ජනවාරි 29 වැනිදා ආරම්භ වීමට නියමිත අතර දෙවැනි සහ අවසන් ටෙස්ට් තරඟය පෙබරවාරි 6 වැනිදා පැවැත්වීමට නියමිතය.

ලෝක ශූර ඕස්ට්‍රේලියානු කණ්ඩායම මෙම තරගාවලි සඳහා ජනවාරි 20 වනදා කොළඹට පැමිණීමට නියමිතව තිබේ.

මීට දෙවසරකට පෙර මෙම කණ්ඩායම් දෙක ලංකා භූමියේදී ගැටුණු විට, කණ්ඩායම් දෙක තරගාවලිය 1-1ක් ලෙස සම කර ගැනීමට සමත්ව තිබිණි.

ගාල්ල ශ්‍රී ලංකාවේ ප්‍රීතිමත් තරග පිටියක් වීමත් සමඟ, ශ්‍රී ලංකා ක්‍රිකට් ආයතනය එළැඹෙන තරගමාලාවේ තරග දෙකම එම ඓතිහාසික ස්ථානයේ දී පැවැත්වීමට සැලසුම් කර ඇත.

මෙය පැහැදිලිවම සිදුකර ඇත්තේ ගාල්ලේ තත්ත්වය තම වාසියට යොදා ගෙන එම තරග දෙකම ජයග්‍රහණය කර ධනංජය ද සිල්වා ඇතුළු ක්‍රීඩකයන් ලෝඩ්ස් අවසන් වටයේ ස්ථානයක් සඳහා එනු ඇතැයි යන දැඩි බලාපොරොත්තුවෙනි.

ඉතා මෑතක දී ශ්‍රී ලංකා කණ්ඩායම ඉහත කී ස්ථානයේදී නවසීලන්තය 2-0ක් ලෙස තරගාවලි පරාජයකට පත් කරන ලද අතර එය 2009න් පසු සංචාරකයන්ට එරෙහිව මව්රටේ දී ශ්‍රී ලංකාව ලැබූ පළමු තරඟාවලි සාර්ථකත්වය ද විය.

එළැඹෙන වෝන්-මුරලි කුසලාන තරගාවලියේදී සියලු දෙනාගේම අවධානයට ලක්වන ක්‍රීඩකයන් බවට කමිඳු මෙන්ඩිස් සහ ප්‍රභාත් ජයසූරිය පත්වනු ඇත.

මෙන්ඩිස් දැනට පවතින ලෝක ටෙස්ට් ශූරතා චක්‍රයේ සියලුම ප්‍රමුඛ පිතිකරුවන්ගෙන් හොඳම සාමාන්‍යය (91.27) ක්‍රීඩා කරයි.

ගාල්ලේදී සංචාරක කණ්ඩායම් සඳහා ඉඩකඩ අඩු වනු ඇති බවට හැඟී යන්නේ ජයසූරිය ටෙස්ට් තරග 8කදී කඩුලු 5 බැගින් දවාගැනීම් අටක් ද ඇතුළත්ව 21.78ක කැපී පෙනෙන සාමාන්‍යයක් සමඟින් දවාගැනීම් 71ක් ලබා ගැනීමට සමත් වීම හේතුවෙනි.

ලෝක ශූරයන්ට මෙම තරඟාවලිය සඳහා ඔවුන්ගේ නිත්‍ය නයක් පැට් කමින්ස් මග හැරෙනු ඇත.

ඊට හේතුව ඔහුගේ සහකාරිය ඔවුන්ගේ දෙවැනි දරුවා ප්‍රසූත කිරීමට නියමිතව ඇති නිසා ඔහු පීතෘ නිවාඩු සඳහා යෑමට නියමිත බැවිනි.

ට්‍රැවිස් හෙඩ් හෝ මිච් මාෂ් වැඩබලන නායකයා ලෙස කටයුතු කිරීමට නියමිත අතර, ඉදිරි සංචාරයේදී කමින්ස් වෙනුවට කැඳවන්නේ කවුරුන්ද යන්න තවමත් තහවුරු කර නොමැත.

වෝන්-මුරලි කුසලානයේ වත්මන් හිමිකරුවන් වන ඕස්ට්‍රේලියාව 2011 වසරේ මයිකල් ක්ලාක්ගේ නායකත්වයෙන් තරග තුනකින් සමන්විත තරගාවලියක් 1-0ක් ලෙස ජයග්‍රහණය කිරීමෙන් පසු ටෙස්ට් තරග මාලාවක දී ශ්‍රී ලංකා ක්‍රීඩකයින් පරාජය කර නොමැත.

ශ්‍රී ලංකාවේ අවසන් තරගමාලා ජයග්‍රහණය වූයේ මීට වසර අටකට පෙර ඇන්ජලෝ මැතිව්ස්ගේ නායකත්වයෙන් යුත් කණ්ඩායම එවක ඕස්ට්‍රේලියානු කණ්ඩායම 3-0ක් ලෙස පරාජය කිරීමෙනි.