එංගලන්තයේ යෝක්ෂයර් ප්‍රාන්ත ක්‍රිකට් සමාජය මීළඟ Vitality County Championship තරඟ තුන සඳහා ශ්‍රී ලංකා වේග පන්දු යවන ක්‍රීඩක විශ්ව ප්‍රනාන්දු සමග ගිවිසුම්ගත වන බව නිවේදනය කර ඇත.

32 හැවිරිදි වියේ පසුවන විශ්ව ප්‍රනාන්දු වමත් වේග පන්දු යවන්නකු වන අතර ඔහු පසුගිය වාරය අවසානයේ ඩර්හැම් පිලට ක්‍රීඩා කර නැවත ප්‍රාන්ත ක්‍රිකට් ක්‍රීඩාවට පැමිණ, දෙවැනි කොටසේ ශූරතාවලියේදී තරග දෙකකදී කඩුලු හතක් දවා ගත්තේය.

ඔහු යෝක්ෂයර් ක්‍රීඩා සංචිතය සමඟ සසෙක්ස් සමඟ හෝව්හිදී තරග වදින අතර, නෝර්ත්හැම්ප්ටන්ෂයර් සමඟ වොන්ටේජ් Road හිදීත්, ග්ලෝස්ටර්ෂයර්හි ස්කාර්බරෝහිදී සහ ඩර්බිෂයර්ට එරෙහිව ලබන මස අගදී චෙස්ටර්ෆීල්ඩ්හි තරඟ සඳහා ද සහභාගී වනු ඇත.

යෝක්ෂයර් හිදී ලබාගන්නා ප්‍රනාන්දුගේ පළමු කඩුල්ල 2012 දී ආරම්භ වූ පළමු පෙළ ක්‍රිකට් දිවියේ 300 වැනි කඩුල්ල වනු ඇත.

ඔහු 2016 වසරේ ඔස්ට්‍රේලියාවට එරෙහිව ගාල්ලේදී සිය මංගල තරගයට සහභාගි වූ අතර මේ දක්වා ටෙස්ට් තරග 23කදී කඩුලු 64ක් දවාගෙන ඇති අතර, එහි අවසන් තරගය වූයේ අප්‍රේල් මසදී බංග්ලාදේශයට එරෙහිව චැටෝග්‍රෑම් හිදී පැවැති තරගයයි.

ශ්‍රී ලංකාවට ජය හිමි වූ එම තරගයේදී ඔහු කඩුලු තුනකට හිමිකම් කීවේය.

ප්‍රබල සහ හොඳ වේගයක් ඇති පන්දු යවන්නකු වන විශ්ව ප්‍රනාන්දු තම රට වෙනුවෙන් එක්දින අන්තර්ජාති තරඟ අටක් සහ පන්දුවාර විස්සයි 20 අන්තර්ජාති තරඟයකට ද ක්‍රීඩාකර ඇත.