වියට්නාම විද්‍යුත් වාහන (EV) නිෂ්පාදක VinFast හි කොටස් වෙළඳපල තක්සේරුව එහි පළමු දිනයේදීම ලෝක ප්‍රකට වාහන නිෂ්පාදනකරුවන් වන Ford සහ General Motors (GM) වලට වඩා ඉහළ ගොස් ඇත.

තවමත් ලාභ ඉපැයීමට නොහැකි වූ සමාගමේ එක් කොටසක් නිව් යෝර්ක් වෙළෙඳ පොලේ පළමු දිනයේදීම ඩොලර් 37 (£29) ක් විය.

ඒ අනුව VinFast හට ඩොලර් බිලියන 85 ක කොටස් වෙලඳපොල තක්සේරුවක් ලබා දුන් අතර එය Ford හි $48bn සහ GM හි $46bn ට වඩා බෙහෙවින් වැඩි ය.

එය සිදුවන්නේ මෝටර් රථ කර්මාන්තයේ දැවැන්තයින් සහ නව නිෂ්පාදකයින් වේගයෙන් වර්ධනය වන විද්‍යුත් වාහන වෙළඳපොලේ කොටසක් සඳහා සටන් කරන විට ය.

මෙම ලැයිස්තුගත කිරීමත් සමග දැනටමත් වියට්නාමයේ ධනවත්ම පුද්ගලයා වූ VinFast හි සභාපති සහ නිර්මාතෘ Pham Nhat Vuong ගේ ධනයට ඩොලර් බිලියන 39 ක් පමණ එකතු විය.