පකිස්තානයේ ඉස්ලාමියා කොලේජ් විශ්ව විද්‍යාලය සහ පෙෂාවර් කෘෂිකර්ම විශ්ව විද්‍යාලය පසුගිය මාස දෙකක කාලය තුල එහි කාර්යය මණ්ඩලයට වැටුප් ගෙවා නොමැති බව වාර්තා වේ.

Khyber-Pakhtunkhwa පළාතේ විශ්ව විද්‍යාලවල තුළ මෙම ගැටළුව දැඩිව පවතින අතර මූල්‍ය අර්බුදය ඊට හේතුව බව පැවසේ.

එක්ස්ප්‍රස් ට්‍රිබියුන් පුවත්පතට අදහස් දක්වමින් කෘෂිකාර්මික විශ්වවිද්‍යාලයේ උපකුලපති මහාචාර්ය ආචාර්ය ජෙහාන් බක්ට් පැවසුවේ රාජ්‍ය මූල්‍ය හිඟය කෙතරම් උග්‍ර වී ඇත්ද යත් ඔවුන් මුදල් එකතු කර ඊළඟ මාසයේ එක් මාසයක වැටුප් ගෙවීමට කටයුතු කළ ද ඔවුන්ට ප්‍රමාණවත් අරමුදල් නොමැති බවයි.

ඔහු පෙෂාවර් විශ්ව විද්‍යාලය, කෘෂිකර්ම විශ්ව විද්‍යාලය, ඉංජිනේරු හා තාක්ෂණ විශ්ව විද්‍යාලය සහ ඉස්ලාමියා කොලෙජ් විශ්ව විද්‍යාලය ඇතුළු විශ්ව විද්‍යාල හතරේ සභාපතිවරයා ද වේ.

“විශ්වවිද්‍යාලයට එහි සේවකයින් සහ විශ්‍රාමිකයන් 1,200කගේ වැටුප් ගෙවීමට හැකිවීම සඳහා අපට අවම වශයෙන් රුපියල් මිලියන 200ක් අවශ්‍ය වේ,” ඔහු වැඩිදුරටත් පැවසුවේය.

ඒ සඳහා අවශ්‍ය මුදල ලබා දෙන ලෙස පළාත් රජයෙන් නැවත නැවතත් ඉල්ලා සිටියද පලක් නොවූ බව ද ඔහු පවසයි.

දැනට පවතින වැටුප් ප්‍රශ්නය විසඳන ලෙස තමන් මේ වන විටත් ප්‍රධාන අමාත්‍යවරයාගෙන්, උසස් අධ්‍යාපන අමාත්‍යවරයාගෙන් සහ මුදල් උපදේශකවරයාගෙන් ඉල්ලා ඇති නමුත් තවමත් එහි ප්‍රගතියක් නොමැති බව ඔහු වැඩිදුරටත් දන්වා සිටියේය.

“ඊළඟ සතියේ අපට රුපියල් මිලියන 1.7 ක ප්‍රදානයක් ලැබෙනු ඇත, නමුත් එය ප්‍රශ්නය විසඳන්නේ නැති අතර අරමුදල් හිඟය තවමත් පවතිනු ඇත,” ඔහු සඳහන් කළේය.

සෑම වසරකම උසස් අධ්‍යාපන කොමිෂන් සභාව ප්‍රදාන අඩු කරන බවත් 2018 වසරේ සිට 2024 දක්වා සියයට 35 ක පමණ අයවැයක් කයිබර් පක්තුන්ක්වා හි කෘෂිකර්ම සහ අනෙකුත් විශ්ව විද්‍යාලවලට අඩු කළ බවත් ඔහු දන්වා සිටියේය.