February 9, 2024
ජාතික ජන බලවේගයේ නායක අනුර කුමාර ඉන්දියාවේ සංචාරය කිරීම සහ ලෝක නායකයන් සමඟ කටයුතු කිරීම යහපත් බව එක්සත් ජාතික පාර්ලිමේන්තු මන්ත්‍රී වජිර අබේවර්ධන පවසයි.
එසේම, අනුර කුමාරගේ පක්ෂය වත්මන් රජය සමඟ එක්ව කටයුතු කරනු ඇතැයි අපේක්ෂා කරන බවද හෙතෙම වැඩිදුරටත් සඳහන් කරයි.
ඇමැතිවරයා එහිදී මෙසේද පවසා ඇත.
“ජාතික ප්‍රතිපත්ති සැකසීම සඳහා ජාතික ජන බලවේගය දායක වනු ඇතැයි අපි බලාපොරොත්තු වෙනවා. ජනතා විමුක්ති පෙරමුණ ප්‍රමුඛ ජාතික ජන බලවේගය ජාතික ප්‍රතිපත්ති සැකසීමට කටයුතු කිරීම අලුත් දෙයක් නෙවෙයි. ප්‍රජාතන්ත්‍රවාදී ගමනක් යාමට අතහිත දුන් දිවංගත ජනාධිපති ජේ.ආර්.ජයවර්ධන මහතා සමඟත්, ඉන් අනතුරුව දිවංගත ජනාධිපතිනි චන්ද්‍රිකා කුමාරතුංග මහත්මිය, ජනාධිපති මහින්ද රාජපක්ෂ මහතා සහ 2015 රජය සමඟත් කටයුතු කළ නිසා පක්ෂයට එසේ කිරීමට අත්දැකීම් තිබෙනවා”
එක්සත් ජනතා නිදහස් සන්ධානය ද වත්මන් රජය සමඟ එක්ව කටයුතු කරනු ඇතැයි ජනාධිපති රනිල් වික්‍රමසිංහ අපේක්ෂා කරන බවද මන්ත්‍රීවරයා සඳහන් කරයි.
එසේම, සිංහල දෙමළ අලුත් අවුරුද්ද වෙනුවෙන් ජනතාවට සහන ලබාදෙන බවද ඔහු එහිදී පවසයි.
