ආසියානු කුසලාන තරගාවලිය සාර්ථකව පැවැත්වීම වෙනුවෙන් කැපවී කටයුතු කළ කොළඹ සහ මහනුවර ක්‍රීඩාංගණ භාරකරුවන්ට සහ සහායකයන්ට එක්සත් ජනපද ඩොලර් 50,000 ක ත්‍යාග මුදලක් ලබාදෙන බව ආසියානු ක්‍රිකට් කවුන්සිලය (ACC) සහ ශ්‍රී ලංකා ක්‍රිකට් ආයතනය (SLC) ප්‍රකාශ කර තිබේ.

ඔවුන්ගේ නොසැලෙන කැපවීම සහ වෙහෙස මහන්සි වී වැඩකිරීම හේතුවෙන් 2023 ආසියානු කුසලානය අමතක නොවන සංදර්ශනයක් බවට පත්කර ගැනීමට හැකිවූ බව අදාළ ප්‍රකාශයේ සඳහන් වේ.

තණතීරු සහ ක්‍රීඩා පිටි මනාව පවත්වාගෙන යමින් ත්‍රාසජනක ක්‍රිකට් ක්‍රියාදාම වෙනුවෙන් වේදිකාව සැකසීමට ඔවුන් කැපවුණු බව ආසියානු ක්‍රිකට් කවුන්සිලය (ACC) සහ ශ්‍රී ලංකා ක්‍රිකට් ආයතනය (SLC) වැඩිදුරටත් ප්‍රකාශ කර ඇත.