පුළුල් දක්ෂිණාංශික සන්ධානයක් පිහිටුවීමේ අරමුණින් එක්සත් ජාතික පක්ෂයසහ සමගි ජන බලවේගය අතර සාකච්ඡා අද සවස ආරම්භ වීමට නියමිත බව සමගි ජන බලවේගයේ පාර්ලිමේන්තු මන්ත්‍රී මුජිබර් රහ්මාන් පවසයි.

එක්සත් ජාතික පක්ෂය සමඟ සාකච්ඡා කිරීම සඳහා සමගි ජන බලවේගය විසින් පත් කරන ලද කමිටුවේ සාමාජිකයකු වන පාර්ලිමේන්තු මන්ත්‍රී රහ්මාන් පැවසුවේ සාකච්ඡා සඳහා ස්ථානය කඩිනමින් තීරණය කරන බවයි.

“සාකච්ඡාවලට පැය දෙකකට පෙර හෝ ස්ථානය තීරණය කළහොත් එය ප්‍රමාණවත්,” යනුවෙන් ඔහු සඳහන් කරයි.

“අද සාකච්ඡා තීරණාත්මක නැහැ, මොකද මේ පටන් ගන්නේ පළමු වටය නිසා,”යැයි ද ඔහු තවදුරටත් සඳහන් කරයි.