කළුතර ,කටුකුරුන්ද පිහිටි ප්‍රසිද්ධ සංචාරක හෝටලයක් පිටුපස මුහුදු වෙරලේ පාවෙමින් තිබී හඳුනානොගත් ලේසර් තාක්ෂණයෙන්‍ යුත් විශේෂ උපකරණයක් හමුවී ඇති බව කළුතර දකුණ පොලිසිය පවසයි .

මුහුදේ කිසියම් උපකරණයක් පාවෙමින් තිබෙන බවට පුද්ගලයකු විසින් කල දැනුම්දීමක් අනුව කලුතර දකුණ පොලිස් ස්ථානය දැනුවත් කිරීමෙන් පසු පොලිසිය ඒ සම්බන්ධයෙන් පරික්ෂණ ආරම්භ කර ඇත.

කළුතර කටුකුරුන්ද විශේෂ කාර්ය බළකා නිළධාරින් විසින් මහජනතාව එම ස්ථානයෙන් ඉවත්කර එම උපකරණය සුරක්ෂිතව පරීක්ෂණ කටයුතු සදහා රැගෙන ගොස් ඇත.