එක්සත් අරාබි එමීර් රාජ්‍යයට, එහි ආයතනවලට හෝ දේශපාලනඥයන්ට එරෙහිව සාවද්‍ය ප්‍රචාර පතුරුවා හැරීමෙන් වළකින ලෙස එක්සත් අරාබි එමීර් රාජ්‍යයේ කරච්චි හි කොන්සල් ජනරාල් බකීත් අතීක් අල්-රෙමිති එක්සත් අරාබි එමීර් රාජ්‍යයේ සිටින පාකිස්තානුවන්ගෙන් ඉල්ලීමක් කර තිබේ.

එක්සත් අරාබි එමීර් රාජ්‍යයේ වෙසෙන හෝ එක්සත් අරාබි එමීර් රාජ්‍යයේ සංචාරය කරන පකිස්තාන ජාතිකයන් විසින් පාකිස්තානයට එරෙහිව සෘණාත්මක ප්‍රචාර ගෙන යන බව සමාජ මාධ්‍යවල දක්නට ලැබුණු බවත්, ඒ සඳහා බොහෝ දෙනෙකු අත්අඩංගුවට ගෙන වසර 14 සිට 15 දක්වා සිර දඬුවම් නියම කළ බවත් එක්සත් අරාබි එමීර් රාජ්‍යයේ කොන්සල් ජනරාල්වරයා පැවසීය.

පකිස්ථානු ජාතිකයින් පස් දෙනෙකුට වැඩි පිරිසකට ජීවිතාන්තය දක්වා සිරදඬුවම් නියම වූ අතර ඔවුන්ගෙන් වැඩි දෙනෙකු පිටුවහල් කර ඇති බව ද ඔහු පැවසීය.

එවැනි පකිස්ථානුවන්ට එක්සත් අරාබි එමීර් රාජ්‍යය ඇතුළු ගල්ෆ් රටවලට වීසා ලබා නොදෙන අතර එහි යාමට නොහැකි වනු ඇතැයි එක්සත් අරාබි එමීර් රාජ්‍යයේ කොන්සල් ජනරාල්වරයා අනතුරු ඇඟවීය.

“ඔවුන් එවැනි දෙයක් සමාජ මාධ්‍යවල බෙදාගැනීමෙන් හෝ යොමු කිරීමෙන් වැළකිය යුතුය,” ඔහු පැවසුවේය, “ඔවුන් එසේ කරන්නේ නම් ඔවුන්ට එරෙහිව නීතියට අනුව දැඩි ක්‍රියාමාර්ග ගනු ලැබේ” යනුවෙන් ද අනතුරු අගවා තිබේ.

විවිධ ආගම් සහ ජාතිකත්වයන් ඇති රටවල් 200 ක පමණ පුරවැසියන් එක්සත් අරාබි එමීර් රාජ්‍යයේ සාමයෙන් ජීවත් වන බව Bakheet Ateeq al-Remeithi පැවසීය.

එක්සත් අරාබි එමීර් රාජ්‍යයේ සිටින පාකිස්තානුවන් සංඛ්‍යාව මිලියන 1.8 ඉක්මවා ඇති බව ද ඔහු පැවසීය.

එක්සත් අරාබි එමීර් රාජ්‍යයේ කොන්සල් ජනරාල්වරයා පාකිස්තානුවන්ගෙන් ඉල්ලා සිටියේ ඔවුන්ගේ දේශපාලන අර්බුධ ඩුබායි වෙත ගෙන නොයන ලෙසයි.