බදුල්ල බණ්ඩාරවෙල ප්‍රධාන මාර්ගයේ හාලිඇල ප්‍රදේශයේදී මෝටර් රථයක් මාර්ගයෙන් ඉවතට පැන ගසක ගැටීමෙන් කාන්තාවන් දෙදෙනකු මියගොස් තවත් දෙදෙනකු තුවාල ලබා තිබේ.

එකම පවුලේ පිරිසක් අලුත් අවුරුද්ද නිමිති කරගෙන හාලිඇල ප්‍රදේශයේ ඥාති නිවසකට ගොස් එමින් සිටියදී මෙම ඛේදවාචකයට මුහුණ පා ඇත.

මියගොස් ඇත්තේ දොම්පේ, පුවක්වත්ත ප්‍රදේශයේ පදිංචි 70 හැවිරිදි කාන්තාවක් සහ 51 හැවිරිදි කාන්තාවකි.

මියගිය දෙදෙනා ඥාතිත්වය අනුව නැන්දම්මා සහ ලේලිය වෙයි.

53 හැවිරිදි පියා සහ 22 හැවිරිදි දියණිය තුවාල ලබා බදුල්ල ශික්ෂණ රෝහලට ඇතුළත් කර තිබේ.