January 3, 2025
සමාජ මාධ්‍ය ක්‍රියාකාරිනියක වන ‘ජීන් ඇන්ටි’ට සහ ඇයගේ සැමියාට පුද්ගලයන් දෙදෙනෙකු විසින් කළ පහරදීමක් හේතුවෙන් රාගම ශික්ෂණ රෝහලට ඇතුළත් කර තිබේ.
ජීන් ඇන්ටි පවසන පරිදි, එඬේරමුල්ලේ පිහිටි ඇගේ නිවසේදී ඊයේ උදෑසන 7ට පමණ මෙම පහරදීම සිදුව ඇත.
මත්ද්‍රව්‍ය ජාවාරම්වලට සම්බන්ධ බවට සැකකෙරෙන පුද්ගලයන් දෙදෙනෙකු තම නිවසට පැමිණ තමන්ට සහ සැමියාට පහරදුන් බව ඇය සඳහන් කරයි.
පොලු රැගෙන පැමිණි ඔවුන් දෙදෙනා ජීන් ඇන්ටිට පහරදීමට පෙර ඇගේ සැමියාගේ කකුල්වලට පහරදී තිබේ.
පහරදීමෙන් තුවාල ලැබූ දෙදෙනාම රාගම ශික්ෂණ රෝහලට ඇතුළත් කර ඇත.
ජීන් ඇන්ටි පවසන්නේ තම ප්‍රදේශයේ මත්ද්‍රව්‍ය ජාවාරමට සම්බන්ධ පුද්ගලයන් මෙන්ම එඬේරමුල්ල පොලිසිය සමඟ ඇති බව කියන සබඳතා හෙළිදරව් කරමින් ඇය මෑතකදී සමාජ මාධ්‍ය ජාල ඔස්සේ සිදුකළ හෙළිකිරීම්වලට පළිගැනීමක් ලෙස මෙම පහරදීම සිදු කළ බවයි.
ප්‍රහාරයට වගකිව යුතු පුද්ගලයන් සහ තම ප්‍රදේශයේ සිදුවෙමින් පවතින මත්ද්‍රව්‍යවලට සම්බන්ධ පුද්ගලයන් අත්අඩංගුවට ගැනීමට කඩිනම් පියවර ගන්නා ලෙස ඇය රජයෙන් ඉල්ලා තිබේ.
42.31%
17.27%
32.76%
