62.84%
16.47%
16.86%
August 21, 2024
පාර්ලිමේන්තු මන්ත්‍රීවරුන් වන වඩිවෙල් සුරේෂ් සහ අලි සහීර් මවුලානා අද ජනාධිපති රනිල් වික්‍රමසිංහ ඉදිරියේ ඇමැතිවරු ලෙස දිවුරුම් දුන්හ.
සමගි ජන බලවේගයේ බදුල්ල දිස්ත්‍රික් පාර්ලිමේන්තු මන්ත්‍රී වඩිවේල් සුරේෂ් කම්කරු රාජ්‍ය ඇමැතිවරයා ලෙස දිවුරුම් දුන්නේය.
ශ්‍රී ලංකා මුස්ලිම් කොංග්‍රසයේ (SLMC) මඩකලපුව දිස්ත්‍රික් පාර්ලිමේන්තු මන්ත්‍රී අලි සහීර් මවුලානා සංවර්ධන ව්‍යාපෘති කැබිනට් නොවන ඇමැතිවරයකු ලෙස දිවුරුම් දුන්නේය.
2023 දෙසැම්බර් මාසයේදී වඩිවෙල් සුරේෂ් මන්ත්‍රීවරයා සමගි ජන බලවේගයේ පස්සර සංවිධායක ධුරයෙන් ඉවත් කළ අතර, පසුව ඔහු ජනාධිපති රනිල් වික්‍රමසිංහගේ ජ්‍යෙෂ්ඨ උපදේශකයෙකු ලෙස පත් කරන ලදී.
පාර්ලිමේන්තු මන්ත්‍රී වඩිවෙල් සුරේෂ් 2024 ජනාධිපතිවරණයේදී ජනාධිපති රනිල් වික්‍රමසිංහට සහය දෙන බවට ප්‍රතිඥා දී ඇත.
පසුගිය සතියේ පාර්ලිමේන්තු මන්ත්‍රී අලි සහීර් මවුලානා ඉදිරි මැතිවරණයේදී ජනාධිපතිවරයාට සහාය පළකරන බව සඳහන් කළේය.
පාර්ලිමේන්තු මන්ත්‍රී රවුෆ් හකීම්ගේ නායකත්වයෙන් යුත් ශ්‍රී ලංකා මුස්ලිම් කොංග්‍රසය විපක්ෂ නායක සජිත් ප්‍රේමදාසට කොන්දේසි සහිතව සහය දැක්වීමට සැලසුම් කර තිබියදී ඔහු මෙලෙස ජනාධිපතිවරයාට සහාය දක්වයි.
