August 13, 2024
ශ්‍රී ලංකා ජාතික ක්‍රිකට් කණ්ඩායමේ කිහිපදෙනෙකු එංගලන්ත තරග සංචාරය වෙනුවෙන් වීසා ප්‍රමාදයකට මුහුණ දී සිටින බව වාර්තා වේ.
ශ්‍රී ලංකා කණ්ඩායමේ ප්‍රධාන පිතිකරුවකු වන කමිඳු මෙන්ඩිස් ඊයේ වන විටත් වීසා බලපත්‍රය බලාපොරොත්තුවෙන් සිටින බව දැනගන්නට තිබේ.
මෙම සංචිතය ඊට පෙර දින එක්සත් රාජධානියට පැමිණි නමුත් මෙන්ඩිස් සහ දඟපන්දු යවන ක්‍රීඩක ජෙෆ්රි වැන්ඩර්සේ පැමිණ තිබුණේ නැත.
සංචිතයට ප්‍රමාද වී එකතු වූ වැන්ඩර්සේගේ වීසා අයදුම්පත ප්‍රමාද වී ඉදිරිපත් කිරීම ඔහුගේ වීසා ප්‍රමාදයට හේතු විය.
කෙසේවෙතත්, මෙන්ඩිස්ගේ වීසා බලපත්‍රය ප්‍රධාන සංචිතය සමඟ ඉල්ලුම් කර තිබිණි.
ඔහුගේ වීසා ප්‍රමාද වීම කණස්සල්ලට හේතු වී තිබේ.
බංග්ලාදේශයට එරෙහිව ශ්‍රී ලංකා පිලේ අවසන් ටෙස්ට් තරගාවලියේදී තරගාවලියේ වීරයා වූ මෙන්ඩිස් කණ්ඩායමට තීරණාත්මක කාර්යභාරයක් ඉටු කරනු ඇතැයි අපේක්ෂා කෙරේ.
ශ්‍රී ලංකාව අගෝස්තු 14 වැනිදා පුහුණු තරඟයකට ක්‍රීඩා කිරීමට නියමිත අතර ටෙස්ට් තරඟාවලිය අගෝස්තු 21 වැනිදා ආරම්භ වීමට නියමිතයි.
