April 3, 2025
එක්සත් ජනපද ජනාධිපති ඩොනල්ඩ් ට්‍රම්ප් ඊයේ(බදාදා) පුළුල් තීරුබදු මාලාවක් ප්‍රකාශයට පත් කර ඇත.
ඒ අනුව එරටට සිදුකෙරෙන සියලු ආනයන සඳහා මූලික සියයට 10ක බද්දක් සහ එක්සත් ජනපදය සමග වෙළඳ ගනුදෙනු කරන රටවල් දුසිම් ගණනකට විශාල බදු අනුපාත පනවා තිබේ.
ඒ අනුව ශ්‍රී ලංකාවෙන් සිදුකෙරෙන අපනයන සඳහා එක්සත් ජනපදයෙන් පැනවෙන බදු අනුපාතය 44%ක් තරම් ඉහළ අගයකි.
මෙම අනපේක්ෂිත ඉහල තීරුබදු අනුපාතයන් එක්සත් ජනපදයේ බොහෝ වෙළඳ හවුල්කරුවන් හෙළාදැක ඇත.
ධවල මන්දිරය වෙතින් නිකුත් කරන ලද ප්‍රකාශයක, ට්‍රම්ප් මෙම පියවර “ආර්ථික ස්වාධීනත්වය ප්‍රකාශ කිරීමක්” ලෙස විස්තර කර ඇති අතර, අතර විදේශීය තරඟකරුවන් සමඟ තරග කරමින් දේශීය නිෂ්පාදනය ඉහළ නැංවීමට පොරොන්දු වී තිබේ.
මෙම නිවේදනයෙන් පසු එක්සත් ජනපද කොටස් වෙළඳපොළ තියුණු ලෙස පහත වැවැටී ඇත.
නව තීරුබදු ව්‍යුහය මඟින් සියලුම ආනයන සඳහා සියයට 10 ක ස්ථාවර අනුපාතයක් හඳුන්වා දෙන අතර ප්‍රධාන වෙළඳ හවුල්කරුවන් කිහිපදෙනෙකුට ඉහළ අනුපාත අදාළ වේ.
ඒ අනුව සියයට 49ක ඉහලම බදු අගයක් කාම්බෝජයට පනවා ඇති අතර, වියට්නාමයට සියයට 46ක්, ශ්‍රී ලංකාව සියයට 44ක් සහ චීනයට සියයට 34 ක් සහ ඉන්දියාවට ඉන්දියාවට සියයට 26ක් වශයෙන් මෙම “අන්‍යෝන්‍ය තීරුබදු” ප්‍රකාශයට පත්කර ඇත.
