January 1, 2025
2024 වසරේ දී ලොව පුරා සිටින ජනතාව වැඩිපුරම සෙවූ පුද්ගලයන්, පුවත්, සිදුවීම් සහ චිත්‍රපට පිළිබඳ Google හි වාර්ෂික වාර්තාව අනුව මැතිවරණ සහ ප්‍රධාන පෙළේ පුද්ගලයන් සම්බන්ධයෙන් වැඩි උනන්දුවක් දක්වා ඇති බව පෙනීගොස් තිබේ.
එක්සත් ජනපද ජනාධිපතිවරණය එම වසරේ මැතිවරණ යටතේ වැඩියෙන්ම සෙවූ අංගය බවට පත්ව ඇත.
ඊට අමතරව, කැපී පෙනෙන පුද්ගලයන්, බ්ලොක්බස්ටර් චිත්‍රපට සහ ප්‍රධාන ක්‍රීඩා ඉසව් ද සැළකිව යුතු ලෙස ගෝලීය අවධානයක් දිනා ගෙන ඇත.
අමෙරිකාවේ අලුතින් තේරී පත් වූ ඩොනල්ඩ් ට්‍රම්ප් ගෝලීය වශයෙන් වැඩිම පිරිසක් සෙවූ පුද්ගලයා බවට පත්ව ඇති බව අල් ජසීරා වාර්තා කරයි.
ඔහුගේ නීතිමය සටන්, මතභේද සහ අවසානයේ ජනාධිපතිවරණ සටනේ ජයග්‍රහණය ඔහු ලොව පුරා සංවාදවල කේන්ද්‍රීය චරිතයක් බවට පත් කළේය.
මෙම සෙවීම් ධනාත්මක හෝ සෘණාත්මක හැඟීම් පිළිබිඹු කළේ දැයි එම දත්ත යටතේ සඳහන් කර නොමැත.
