බලංගොඩ පොලිස් වසමේ රුක්මල්කඳුර ප්‍රදේශයෙන් හද කම්පා කරවන සිදුවීමක් වාර්තා වී ඇත.

එහිදී පියකු විසින් ලොරියක් ආපසු හරවන අතරතුර තම අවුරුද්දක් සහ මාස හතක් වයසැති පුතා ඊට යටවී තිබේ.

පොලිසියට අනුව, 39 හැවිරිදි අදාළ පුද්ගලයා නිවසක් ඉදිරිපිට නවතා තිබූ ලොරියක් ආපසු හැරවීමට උත්සාහ කරන විට මෙම සිදුවීම සිදුව ඇත.

අනතුරින් බරපතල තුවාල ලැබූ දරුවා බලංගොඩ රෝහලට ඇතුළත් කිරීමෙන් පසු මියගොස් ඇති බව ප්‍රකාශ විය.

දරුවාගේ පියා ලෙස හඳුනාගෙන ඇති රියදුරු පොලිස් භාරයට ගෙන ඇති අතර, පරීක්ෂණ දිගටම කරගෙන යයි.