October 25, 2024
දේශීය සංචාරක ක්ෂේත්‍රයට බරපතල පසුබෑමක් ඇති විය හැකි ත්‍රස්තවාදී ප්‍රහාර ගැන සඳහන් කරමින් සංචාරක උපදේශන සම්බන්ධයෙන් ශ්‍රී ලංකා සංචාරක සන්ධානය ඊයේ ප්‍රබල පණිවිඩයක් විදේශ තානාපති කාර්යාල වෙත යවා තිබේ.
එක්සත් රාජධානිය සහ පසුව අන්තර්ජාතික ජනමාධ්‍ය ආවරණය මගින් එක්සත් ජනපද උපදේශනය ප්‍රචාරය කළ බැවින්, සංචාරක කර්මාන්තයට ඇති විය හැකි බලපෑම පිළිබඳව සන්ධානය ගැඹුරු කනස්සල්ල පළකර ඇත.
“ආර්ථික ප්‍රකෘතිය සඳහා ගමන් කරන මාවතේ තීරණාත්මක අවස්ථාවක සිටින ශ්‍රී ලංකාව සහ එහි අත්‍යවශ්‍ය සංචාරක කර්මාන්තය කෙරෙහි විදේශීය තානාපති කාර්යාල කණ්ඩායමක් විසින් යම් ආකාරයක කුරිරු විහිළුවක් සිදුකරනවාද?” යනුවෙන් ශ්‍රී ලංකා සංචාරක සන්ධානයේ සභාපති මලික් ජේ. ප්‍රනාන්දු ප්‍රශ්න කරයි.
ශ්‍රී ලංකා බලධාරීන් දැනටමත් ආරක්ෂක විධිවිධාන ක්‍රියාත්මක කර ඇති බවත්, අත්අඩංගුවට ගැනීම් දෙකක් සිදු කර ඇති බවත්, කිසිදු සිදුවීමක් සිදුනොවන බවට සහතික වී ඇති බවත් සන්ධානය අවධාරණය කරයි.
ආර්ථික අභියෝගවලින් සහ මෑතකාලීන වීසා අර්බුදයෙන් ගොඩඒමට අරගල කරමින් සිටින කර්මාන්තයක් නඟාසිටුවීම සඳහා ශ්‍රී ලංකාව ශක්තිමත් සංචාරක ඍතුවක් අපේක්ෂාවෙන් සිටින බැවින්, සංචාරක පාර්ශවකරුවන් මෙම උපදේශන නිකුත්කළ පිළිබඳව කනස්සල්ල පළකර ඇත.
මෑතකාලීන බරපතල ආර්ථික පසුබෑමෙන් තවමත් යථා තත්ත්වයට පත්වෙමින් සිටින මිලියන සංඛ්‍යාත ග්‍රාමීය ප්‍රජාවන් නඟා සිටුවීම සඳහා තීරණාත්මක කාර්යභාරයක් ඉටු කරන ශ්‍රී ලංකාව සහ එහි සංචාරක ක්ෂේත්‍රය කෙරෙහි විදේශ තානාපති කාර්යාල අවධානය යොමුකර නොමැති බවද සන්ධානය පෙන්වාදෙයි.
