බූස්ස පින්තාලිය දුම්රිය හරස් මාර්ගයේදී දුම්රියක් යතුරුපැදියක ගැටීමෙන් සිදුවූ ඛේදවාචකයෙන් තරුණයන් තිදෙනකු මියගිය බව පොලිසිය පවසයි.

තරුණයන් තිදෙනා රැගත් යතුරුපැදිය මරදාන සිට මාතර බලා ධාවනය වූ දුම්රියක ගැටීමෙන් මෙම අනතුර සිදුව තිබේ.

මරණයට පත්ව ඇත්තේ වයස අවුරුදු 17 ත් 19 ත් අතර වයස්වල පසුවන තරුණයන් තිදෙනෙකි.

එක් තරුණයෙකු සිද්ධිය වූ ස්ථානයේදීම මියගොස් ඇති අතර අනෙක් දෙදෙනා කරාපිටිය ශික්ෂණ රෝහලට රැගෙන යෑමේදී මියගොස් ඇතැයි පැවසෙයි.

වෙසක් සැරසිලි නැරඹීමට ගොස් සිටියදී මෙම අනතුරට ඔවුන් මුහුණ දී ඇත.

මියගොස් ඇති තිදෙනා ඥාති දරුවන් බවද වාර්තා වෙයි.

වැඩිදුර විමර්ශන ක්‍රියාත්මකයි.