March 25, 2024
මහනුවර – මහියංගනය ප්‍රධාන මාර්ගයේ මැදමහනුවර ද්විත්ව වංගු ප්‍රදේශයේදී අද සුඛෝපභෝගී බස් රථයක් අනතුරට ලක්ව තිබේ.
අනතුරින් තුවාල ලැබූ බස් රථයේ රියදුරු, එහි හිමිකරු සහ තවත් පුද්ගලයකු ප්‍රතිකාර සඳහා තෙල්දෙණිය රෝහලට ඇතුළත් කර ඇති අතර, පසුව ඔවුන් පේරාදෙණිය රෝහල වෙත යොමුකර ඇත.
අනතුර සිදුවන අවස්ථාවේ පහළ මාර්ගයේ ගමන් ගත් ‘සුව සැරිය’ ගිලන් රථයක් බසයේ ගැටීමෙන් යාන්තමින් බේරී ඇති බවයි වාර්තා වේ.
පසුව ඇති වූ ව්‍යාකූලත්වය නොතකා, එම ගිලන් රථ කණ්ඩායම වහාම ප්‍රතිචාර දක්වා තුවාල ලැබූ පුද්ගලයන් වෛද්‍ය ප්‍රතිකාර සඳහා රෝහල වෙත ගෙනගොස් ඇත.
අනතුරට ලක්වූ සුඛෝපභෝගී බස් රථය විකිණීම සඳහා කොළඹට ප්‍රවාහනය කරමින් සිටියදී අනතුරට ලක්ව ඇති බවට වැඩිදුර තොරතුරු අනාවරණ වී ඇත.
