කල්පිටිය, ඉප්පන්තිව් මුහුදු ප්‍රදේශයේදී නීතිවිරෝධී ලෙස සිප්පිකටු ජාවාරමේ නිරත වූ සැකකරුවන් තිදෙනෙකු නාවික හමුදාව විසින් ඊයේ (25) අත්අඩංගුවට ගෙන ඇත.

ඒ අනුව සැකකරුවන් සන්තකයේ තිබී හක්බෙල්ලන් 1856ක් සහ ඩිංගි යාත්‍රාවක් නාවික හමුදාව භාරයට ගෙන තිබේ.

මෙම සැකකරුවන් අවුරුදු 12ත් 48ත් අතර වයස්වල පසුවනන් වේ.

මෙම මෙහෙයුම වයඹ නාවික විධානයේ ශ්‍රී ලංකා නාවික නෞකා විජය විසින් සිදු කරන ලදී.

නීතිමය කටයුතු සඳහා සැකකරුවන් සහ භාණ්ඩ පුත්තලම ධීවර හා ජලජ සම්පත් දෙපාර්තමේන්තුව වෙත භාර දී ඇත.