November 18, 2023
ඉන්දියාව සහ ශ්‍රී ලංකාව අතර යෝජිත බලශක්ති අන්තර් සම්බන්ධතාව පිළිබඳ ලෝක බැංකු නිලධාරීන් සාකච්ඡා කර තිබේ.
“ප්‍රාදේශීය විදුලි වෙළඳපොළේ වත්මන් ව්‍යුහය, අන්තර් සම්බන්ධතාව සහ ඉන්දියාව සමඟ යෝජිත ශ්‍රී ලංකාවේ අන්තර් සම්බන්ධතාව පිළිබඳ විශ්ලේෂණයක් පිළිබඳව ලෝක බැංකුව අද උදෑසන විදුලිබල හා බලශක්ති අමාත්‍යංශයට ඉදිරිපත් කිරීමක් කළා” යැයි විදුලිබල හා බලශක්ති ඇමැති කංචන විජේසේකර සඳහන් කර ඇත.
“ඉන්දියාව සහ කලාපීය රටවල් සමඟ අන්තර් සම්බන්ධතාවක් ඇති කිරීමට රජය ප්‍රතිපත්තිමය තීරණයක් ගෙන ඇත. යෝජිත ශ්‍රී ලංකා-ඉන්දියා විදුලි සම්බන්ධතාවයේ ශක්‍යතා අධ්‍යයනය, යෝජිත ව්‍යුහය, තාක්ෂණික අවශ්‍යතා, අනුගමනය කළ හැකි ව්‍යාපාර ආකෘති පිළිබඳ අපි ලෝක බැංකු කණ්ඩායම සමඟ සාකච්ඡා කළෙමු.” යනුවෙන් ඔහු සඳහන් කරයි.
ව්‍යාපෘතිය සඳහා වන තාක්ෂණික අවශ්‍යතා සහ ව්‍යාපාරික ආකෘති අවබෝධ කරගැනීම සඳහා ලෝක බැංකුව, ලංකා විදුලිබල මණ්ඩලයට සහාය වන බව ලෝක බැංකුවේ කලාපීය ඒකාබද්ධතා අධ්‍යක්ෂ සිසිලි ෆ්‍රූමන් සහ දේශීය කළමණාකරු චියෝ කන්ද සමඟ පැවති සාකච්ඡාවකින් අනතුරුව ඇමැති විජේසේකර පැවසීය.
ශ්‍රී ලංකා රජය 2030 වන විට ක්‍රියාත්මක වන පරිදි කලාපීය බලශක්ති ඒකාබද්ධතාවයට ප්‍රමුඛත්වය දී ඇත්තේ ශ්‍රී ලංකාව සහ ඉන්දියාව අතර විදුලිය ජාල සම්බන්ධතාවකට මුලපුරමිනි.
“ඉන්දියාවේ විදුලි පද්ධතිය සහ ශ්‍රී ලංකාවේ විදුලිබල පද්ධතිය සම්බන්ධ වෙනවා. මෙය මන්නාරම හරහා සිදුවේවි,” ජනාධිපති රනිල් වික්‍රමසිංහ පසුගිය මාසයේ මන්නාරම මුසලි ජාතික පාසල් ක්‍රීඩාංගණයේ පැවති ජාතික මිලාද් උන් නබි උත්සවය අමතමින් පැවසීය.
“මෙම ප්‍රදේශය හරිත ආර්ථිකයක් සහ හරිත බලශක්තියක් සඳහා ඉහළ අවස්ථාවක් තිබෙනවා, විශේෂයෙන් පවතින සූර්ය බලය සමඟ. පුත්තලමේ සිට මන්නාරම දක්වා යාපනය අර්ධද්වීපය හරහා මුලතිව් දක්වා මේ සඳහා විශාල අවස්ථාවක් ලැබී තිබෙනවා. පුනරීන් මෙම සංවර්ධනයේ කේන්ද්‍රස්ථානය බවට පත් කිරීම අපගේ අරමුණයි” යනුවෙන් ඔහු වැඩිදුරටත් සඳහන් කළේය.
