April 27, 2025
කොළඹ ඉන්දීය මහකොමසාරිස් සන්තෝෂ් ජා පසුගිය සතියේ හිටපු ජනාධිපතිවරුන් වන මහින්ද රාජපක්ෂ සහ රනිල් වික්‍රමසිංහ හමුවිය.
මෙම මස මුලදී ඉන්දීය අගමැති නරේන්ද්‍ර මෝදි පැමිණි අවස්ථාවේ හිටපු නායකයන් දෙදෙනාටම හමුවීමට අවස්ථාවක් නොලැබුණු නමුත්, මහකොමසාරිස්වරයා ඒ වෙනුවෙන් අවස්ථාවක් ලබාගත්තේය.
ශ්‍රී ලංකාවේ හිටපු ජනාධිපතිවරුන් දෙදෙනා මුණගැසී ජනාධිපති අනුර කුමාර දිසානායක සමඟ නිර්මාණය කරගත් ‘සම්බන්ධතාව’ දියාරු කිරීමට අගමැති මෝදිට අවශ්‍ය නොවූ බව පැහැදිලිය.
එමනිසා මෝදි සිය ශ්‍රී ලංකා සංචාරයේදී තමන්ව හමුවීමට අවස්ථාවක් ලබා දුන් අනෙක් දේශපාලකයා විපක්ෂ නායක සජිත් ප්‍රේමදාස පමණි.
“ගෝලීය වර්ධනයන් හමුවේ ඉන්දියා-ශ්‍රී ලංකා හවුල්කාරිත්වය පිළිබඳව මහකොමසාරිස්වරයා සහ හිටපු ජනාධිපති මහින්ද රාජපක්ෂ සමග අදහස් හුවමාරු කරගත්තේය. ඉන්දියා-ලංකා සබඳතාවල මෑතකාලීන දියුණුව පිළිබඳව ද මහකොමසාරිස්වරයා ඔහුට විස්තර කළේය” යැයි කොළඹ මහකොමසාරිස් කාර්යාලයේ නිල X ගිණුමේ සටහන් කෙරිණි.
රනිල් වික්‍රමසිංහ මහතා සමඟ පැවති හමුවේදී, ඉන්දීය මහකොමසාරිස්වරයා පවසා ඇත්තේ, ද්විපාර්ශ්වික හවුල්කාරිත්වයේ මෑතකාලීන වර්ධනයන් පිළිබඳව ඔහුට විස්තර කළ බවයි. ඉන්දියාව සහ ශ්‍රී ලංකාව අතර බෙදාගත් ඉතිහාසය මෙන්ම බෙදාගත් අනාගතයක අසීමිත විභවය පිළිබඳව ද ප්‍රයෝජනවත් අදහස් හුවමාරුවක් සිදුකළ බවද සටහනේ දැක්වෙයි.
