October 9, 2024
නොගැළපෙන අධ්‍යාපන ප්‍රතිපත්ති සහ අරමුදල් නොමැතිකම හේතුවෙන් දිවයින පුරා සිටින සිසුන් ඉංග්‍රීසි සහ ගණිතය විෂයන් සඳහා සඳහා දුර්වලතා පෙන්නුම් කරන බව ප්‍රතිපත්ති අධ්‍යයන ආයතනය පවසයි.
ඊයේ (8) පැවති සම්මන්ත්‍රණයකදී ප්‍රතිපත්ති අධ්‍යයන ආයතනයේ පර්යේෂණ සහකාර වෛද්‍ය නිශා අරුණතිලක කියා සිටියේ ළමුන් පාසල් ගිය ද ඔවුන් ඉගෙන නොගන්නා බවයි.
ඇයට අනුව මෙරට ඉංග්‍රීසි සඳහා සාමාන්‍ය දරුවකුගේ ලකුණු ප්‍රමාණය 34%ක් වන අතර ගණිතය සඳහා සාමාන්‍ය ලකුණු ප්‍රමාණය 24%ක් වේ.
ප්‍රතිපත්ති අධ්‍යයන ආයතනය විසින් කරන ලද පෙර අධ්‍යයනයකින් පෙන්නුම් කර ඇත්තේ ඉංග්‍රීසි අධ්‍යාපනය සම්බන්ධයෙන් නාගරික පාසල් ග්‍රාමීය පාසල් අභිබවා යන බවයි.
නාගරික පාසල් කිහිපයකම ඉංග්‍රීසි පිළිබඳ හොඳ ප්‍රවීණතාවක් ඇති සිසුන් සහ ඉංග්‍රීසි භාෂාවට සීමිත නිරාවරණයක් ඇති සිසුන් යන දෙකොට්ඨාසයම සිටින බැවින් විෂය මාලාව සකස් කරන්නේ කෙසේද යන්න පිළිබඳ අභියෝගයකට ඉංග්‍රීසි ගුරුවරුන් මුහුණ දී සිටී.
මේ අතර, ලෝක බැංකුව විසින් ප්‍රකාශයට පත් කරන ලද වාර්තාවකින් පෙන්නුම් කරන්නේ ශ්‍රී ලංකාවේ ගණිත කාර්ය සාධනය සම්බන්ධයෙන් නාගරික සහ ග්‍රාමීය පාසල් අතර විෂමතාවයක් පවතින බවත්, නාගරික පාසල් ග්‍රාමීය පාසල්වලට වඩා හොඳින් ක්‍රියා කරන බවත්ය.
මේ අතර, අධ්‍යයන පොදු සහතික පත්‍ර උසස් පෙළ සඳහා ගණිතය සහ විද්‍යාව සම්බන්ධ 2018 දත්ත අනුව ආසන්න වශයෙන් පාසල් 600ක පමණක් එම විෂයන් ඉගෙනීමට හැකියාව ඇති බව ලෝක බැංකුව ද පවසයි.
වෛද්‍ය අරුණතිලක යෝජනා කරන්නේ ගණිතය සහ ඉංග්‍රීසි විෂයයන්වල දුර්වලතා පැවතීමට අරමුදල් අසමාන අයුරින් බෙදී යෑම හේතුවක් වන අතර අරමුදල්වලින් වැඩි ප්‍රමාණයක් ‘ප්‍රභූ’ පැලැන්තියේ පාසල්වලට හිමිවන බවයි.
අනෙකුත් පාසල්වල ප්‍රමාණවත් ගුරුවරුන් සහ ඉගෙනුම් ද්‍රව්‍ය වැනි සම්පත් නොමැති බව ද ඇය පෙන්වා දෙයි.
මෙම ප්‍රශ්නය උග්‍ර වන්නේ රජයේ මාරුවීම් ක්‍රමය අධ්‍යාපන ප්‍රතිපත්ති සමග අනුකූල නොවීම බව ද හඳුනාගෙන ඇත.
“අපිට විවිධ ප්‍රතිපත්ති තියෙන අධ්‍යාපන ඇමැතිවරු කිහිප දෙනෙක් හිටියා,සහ මෙම ප්‍රතිපත්ති අතර අනුකූලතාවක් තිබුණේ නැහැ.” ආචාර්ය අරුණතිලක පැවසුවාය
ශිෂ්‍යාවන් තම පිරිමි සගයන් අභිබවා යෑමේ ප්‍රවණතාවක් දක්නට ලැබෙන බව ද වෛද්‍ය අරුණතිලක පැවසුවාය.
