September 15, 2023
වෛද්‍ය, සෞඛ්‍ය, ක්‍රීඩා පුහුණුව සහ පොල් වගාව යන ක්ෂේත්‍රවල සහයෝගීතාව කෙරෙහි අවධානය යොමුකරමින් තම රටවල් අතර සබඳතාව ශක්තිමත් කිරීමේ වැදගත්කම ජනාධිපති රනිල් වික්‍රමසිංහ සහ කියුබානු ජනාධිපති ඩියෑස් කැනෙල් බර්මියුඩෙස් අවධාරණය කළහ.
G77 ප්ලස් චීනයේ වත්මන් සභාපතිවරයා ලෙස කියුබාව විසින් සත්කාරකත්වය දරන සැප්තැම්බර් 15-16 දිනවල හවානා හි පැවැත්වෙන ‘G77 ප්ලස්’ සමුළුවට සහභාගී වීමට පෙරාතුව, ජනාධිපති වික්‍රමසිංහගේ කියුබාවේ නිල සංචාරය අතරතුර නායකයන් දෙදෙනා අතර සාකච්ඡාව සිදුවිය.
අන්තර්ජාතික සංසදවලදී කියුබාවට සහාය දැක්වීමට ශ්‍රී ලංකාවේ කැපවීම ජනාධිපති වික්‍රමසිංහ එහිදී ප්‍රකාශ කර ඇති අතර, මානව හිමිකම් යෝජනා සම්බන්ධයෙන් ශ්‍රී ලංකාවට සහාය දෙන බවට ජනාධිපති ඩයස් කැනල් සහතික වී තිබේ.
