November 2, 2023
පොලිස්පති චන්දන වික්‍රමරත්නට ලබාදී තිබූ තුන්වැනි සේවා දිගුවද අද දිනයෙන් අවසන් වේ.
එහෙත් පොලිස්පති ධුරය සඳහා මේ දක්වා කිසිවකුගේ නම් ව්‍යවස්ථාදායක සභාව වෙත ඉදිරිපත්වී නොමැති බව අභ්‍යන්තර ආරංචි මාර්ග සඳහන් කරයි.
තනතුර සඳහා සාමාන්‍යයෙන් නම් තුනක් යෝජනා කළයුතුව ඇතත් කිසිදු ජ්‍යෙෂ්ඨ නියෝජ්‍ය පොලිස්පතිවරයකුගේ නම් ඒ සඳහා ඉදිරිපත්වී නොමැති බව වාර්තා වේ.
කෙසේවෙතත් චන්දන වික්‍රමරත්නට තුන්වැනි සේවා දිගුව ලබාදුන් අවස්ථාවේ ප්‍රකාශවී තිබුණේ යළිත්වරක් ඔහුට සේවාදිගු ලබා නොදෙන බවයි.
ඔහුට ලබාදුන් පළමු හා දෙවැනි සේවා දිගු මාස තුන බැගින්වූ අතර අවසන් සේවා දිගුව සති තුනකට සීමා කර තිබිණි.
කෙසේවෙතත් අද දිනයේ පොලිස්පතිවරයකු පත් නොකළහොත් හෙට දිනට එළිවන්නේ දෙවැනිවරටත් ශ්‍රී ලංකාවට පොලිස්පතිවරයකු නොමැතිවයි.
