March 17, 2025
අනුරාධපුර පොලිසිය පෞද්ගලික බස් රථයක අස්ථානගත වූ විදේශීය සංචාරකයකුගේ ගමන් මලු සොයා ආපසු ලබාදීමට උදව් කර ඇත.
සිකුරාදා (මාර්තු 14) බස් රථයකින් තම ගමන් මලු ඉවතට ගැනීමට අමතක වූ බව පවසමින් සංචාරකයා අනුරාධපුර පොලිස් සංචාරක ඒකකයට පැමිණිල්ලක් ගොනුකර ඇත.
කොළඹ-කොටුවේ සිට අනුරාධපුරය දක්වා ගමන් කළ සංචාරකයා අනුරාධපුර නගරයෙන් බැස යන අතරතුර මෙලෙස ඔහුගේ ගමන් මලු අස්ථානගත වී ඇති බව කියනු ලැබේ.
අනුරාධපුර පොලිසිය බස් ඩිපෝවේ පරීක්ෂණ පවත්වා ඇති අතර, නැතිවූ ගමන් මලු වවුනියාව බලා යන බස් රථයක තිබූ බව සොයාගෙන තිබේ.
පොලිස් සංචාරක ඒකකයේ නිලධාරීන් සෙනසුරාදා (මාර්තු 15) ගමන් මලු ලබාගෙන සංචාරකයාට ආපසු ලබා දී ඇත.
