අමෙරිකානු ජනාධිපති ඩොනල්ඩ් ට්‍රම්ප් විසින් අප්‍රේල් 2 වැනි දින 10%ක බද්දක් පැනවීමෙන් පසු ශ්‍රී ලංකාවෙන් අපනයනය කෙරෙන ඇඳුම්වල මිල ගණන් අමෙරිකානු වෙළෙඳ පොළේ ඉහළ මිලක් දරනු ඇති බව එක්සත් ජනපදයේ පර්යේෂකයන් පිරිසක් සිදුකළ විශ්ලේෂණයකින් පසු ඇස්තමේන්තු කර තිබේ.

ඔවුන්ට අනුව එක්සත් ජනපද තීරුබදු පවතින සාමාන්‍ය 14.7% සිට 37.5% දක්වා ඉහළ යනු ඇත.

පර්යේෂකයන් ඇස්තමේන්තු කරන්නේ එක්සත් ජනපදයේ ඇඳුම් මිල 12.5% ​​සිට 20.6% දක්වා ඉහළ යනු ඇති බවයි.

සාප්පු හිමියන් ඇඳුම් සඳහා 22% සිට 33% දක්වා අඩුවෙන් වියදම් කරනු ඇති බවද විශ්ලේෂණයෙන් පෙන්වා දී ඇත.

දැනට අමෙරිකානු ඩොලර් 15කට අලෙවි වන ළදරු පිජාමාවක් අමෙරිකානු ඩොලර් 18 දක්වා ඉහළ යනු ඇත.

දැනට අමෙරිකානු ඩොලර් 50ක් වන කාන්තා ස්වෙටරයක් ඩොලර් 56 සිට 60 දක්වා ඉහළ යනු ඇති අතර අමෙරිකානු ඩොලර් 80ක් පමණ වන පිරිමි ජීන්ස් මිල ඇමරිකානු ඩොලර් 96 දක්වා ඉහළ යනු ඇත.

ළදරුවන් සඳහා ඇඳුම් සහ ගෙතූ ඇඳුම් උපාංග මෙරටින් අපනයනය කරන සිව්වැනි ප්‍රධානතම අයිතමය වේ.

බදු සමග ආනයන පහත වැටෙනු ඇති අතර, එක්සත් ජනපද ඇඟලුම් නිෂ්පාදකයන්ගේ ආදායම අමෙරිකානු ඩොලර් මිලියන 712කින් ඩොලර් බිලියන 1.2 දක්වා වැඩි වනු ඇති බවට ඇස්තමේන්තු කර තිබේ.

ශ්‍රී ලංකාවේ ඇඟලුම් අපනයන දත්ත මගින් පෙන්නුම් කරන්නේ සමස්තයක් වශයෙන් වැඩි වශයෙන් අපනයන කෙරෙන කාණ්ඩයට බ්‍රෙසියර, ගර්ඩ්ල්ස්, කෝර්සෙට්, බ්‍රේස්, සස්පෙන්ඩර්, ගාටර් සහ ඒ හා සමාන භාණ්ඩ ඇතුළත් බවයි.

2024 දී ශ්‍රී ලංකාව විසින් ඩොලර් මිලියන 549.46ක් වටිනා භාණ්ඩ එරටට යවා තිබේ.