පොල්හේන්ගොඩ යුද්ධ හමුදා පොලිස්හේවා බලකා කදවුරේ තිබූ ටී 56 උණ්ඩ 30ක් සහිත මැගසිනයක් අස්ථානගතව ඇති බව පවසා කිරුලපන පොලිස් ස්ථානය වෙත සිදුකල පැමිණිල්ලට අදාළ මැගසිනය යුද්ධ හමුදා පොලිස් හේවා බලකා කදවුරේ ජලය බැසයන කාණුවක තිබී හමුව ඇත.

පොල්හේන්ගොඩ පොලිස් හේවා බලකා කදවුරු පරිශ්‍රයේ අද දින (2024 පෙබරවාරි මස 09) සිදුකල විශේෂ සෝදිසි මෙහෙයුමකදී අතුරුදන් මෙම මැගසිනය උණ්ඩ 30ත් සමග පෙරවරු 10.45 ට පමණ සිවිල් කාර්ය මණ්ඩලය භාවිත කරන සනීපාරක්ෂක පද්ධතිය අසල ජලය බැසයන කාණුව තුල තිබී සොයාගෙන තිබේ.

මෙම සිදුවීම සම්බන්ධයෙන් ඉදිරි විමර්ශන යුද හමුදා පොලිසිය සහ කිරුලපන පොලිසිය විසින් සිදුකරනු ලැබෙයි.