July 14, 2023
ඖෂධ ලබා ගැනීමේ ප්‍රමාදයක් සිදු නොවන බවට සහ පවතින සියලුම ඖෂධ සඳහා විනිවිදභාවයක් අවශ්‍ය බවට සෞඛ්‍ය අමාත්‍යාංශය සහතික විය යුතු බව ජනාධිපති රනිල් වික්‍රමසිංහ ප්‍රකාශ කරයි.
සෞඛ්‍ය අමාත්‍යාංශය විසින් පවත්වාගෙන යනු ලබන වෙබ් අඩවි මගින් දිනකට ලබාගත හැකි මුළු ඖෂධ ප්‍රමාණය සහ දිනකට එක් එක් රෝහලෙහි පවතින ප්‍රමාණය ප්‍රකාශ කළ යුතු බව ජනාධිපතිවරයා අවධාරණය කරයි.
ජාලකරණ පද්ධතියක් මගින් රෝහල් අතර ඖෂධ හුවමාරු කර ගැනීමට හැකි බවද, ජනාධිපතිවරයා සඳහන් කර ඇත්තේ සෞඛ්‍ය ක්ෂේත්‍රයට අදාළ ගැටලු සාකච්ඡා කිරීම සඳහා පැවති රැස්වීමකදීය.
