August 21, 2023
රාජ්‍ය මූල්‍ය කළමනාකරණ පද්ධති පනත, නව රාජ්‍ය ණය කළමනාකරණ නීතිය සහ රාජ්‍ය වත්කම් කළමනාකරණ පනත යන ප්‍රධාන නීති තුනක් හඳුන්වාදීමට මුදල් අමාත්යංශය සූදානම් වන බව වාර්තාවේ.
මෙයින්, රාජ්‍ය මූල්‍ය කළමනාකරණ පද්ධති පනත වසර අවසානය වන විට හඳුන්වාදීමට නියමිත අතර, රජය තුළ ක්‍රියාත්මක වන මූල්‍ය රෙගුලාසි වෙනුවට එය ක්‍රියාත්මක වේ.
වත්කම් කළමනාකරණය, මූල්‍ය නියාමනය සහ පුළුල් අවදානම් කළමනාකරණය මෙම නීතියට ඇතුළත් කර ඇත.
රාජ්‍ය ණය කළමනාකරණ නීතිය සැකසීම තවමත් මූලික අදියරේ පවතින බව වාර්තා වේ.
දූෂණ අවදානම අවම කරමින් මූල්‍ය ස්ථාවරත්වය සහතික කිරීම සඳහා රාජ්‍ය ණය තිරසාරභාවය යථා තත්ත්වයට පත්කිරීම සහ විදේශ සංචිත නැවත ගොඩනැංවීම සඳහා එය කෙටුම්පත් කරන බව මුදල් අමාත්යංශය පවසයි.
මෙම නීතියට ප්‍රතිව්‍යුහගත කර වාණිජකරණයට ලක් කෙරෙන රාජ්‍ය ව්‍යවසාය (SOEs) වෙත ස්වෛරී ඇපකර සැපයීම සහ ණය දීමේ මෙහෙයුම් වැනි ක්‍රියාවලීන් ඇතුළත් වේ.
අනිවාර්ය ආදායමක් සහ බදු විගණන හා අනුකූලතාව ඉහළ නැංවීම කෙරෙහි අවධාරණය කරමින් බදු පරිපාලනය වැඩිදියුණු කිරීම ද නීතියේ අරමුණ වනු ඇත.
මුදල් අමාත්‍යාංශයේ විදේශ සම්පත් දෙපාර්තමේන්තුව එය කළමනාකරණය කරනු ඇත.
රාජ්‍ය වත්කම් කළමනාකරණ පනත ද ඉතා අලුත් එකක් වන අතර එය පාලනය කරනු ලබන්නේ පාලක ජනරාල් දෙපාර්තමේන්තුව විසිනි.
වත්කම් කළමනාකරණ නීතිය මගින් රජයේ වාහන, ඉඩම්, ඛනිජ, ගොඩනැගිලි ආදිය කළමනාකරණය කිරීම වැනි රජයේ මූල්‍ය නොවන වත්කම් කළමනාකරණය සම්බන්ධයෙන් කටයුතු කරනු ඇත.
42.31%
17.27%
32.76%
