ශ්‍රී ලංකා ක්‍රිකට් තේරීම් කමිටුව ක්‍රීඩා ඇමැති රොෂාන් රණසිංහගේ විවේචනයට ප්‍රතිචාර දක්වා ඇති අතර, එය “හාස්‍යජනක” සහ ‘දේශපාලන ක්‍රියාවක්’ ලෙස දක්වමින් බැහැර කර තිබේ.

ඔවුන්ගේ වසර දෙකහමාරක සේවා කාලය තුළ කණ්ඩායමේ කාර්ය සාධනය අනුව, ඔවුන් විවේචන ප්‍රතික්ෂේප කරන අතර, පෙර කාල පරිච්ඡේදයට සාපේක්ෂව සැළකිව යුතු සාර්ථකත්වයක් පෙන්නුම් කර ඇති බව සඳහන් කරයි.

ඉන්දියාවට එරෙහිව ලැබූ නින්දාසහගත පරාජයට ප්‍රතිචාර වශයෙන් තේරීම් කමිටුව සඳහන් කර ඇත්තේ, ඔවුන් තෝරාගත් කණ්ඩායම තත්ත්වයන් අනුව සමබර වූ බවයි.

වසර ගණනාවක් පුරා තමන් තෝරාගත් කිසිදු කණ්ඩායමක තේරීම් සම්බන්ධයෙන් ඇමැතිවරයා විරෝධය පළකර නැති බවද තේරීම් කමිටු සාමාජිකයෝ පෙන්වාදෙති.

තේරීම් කමිටු සාමාජිකයන් සිය ප්‍රකාශය අවසන් කර ඇත්තේ, ”තේරීම වැරදි නම් ඒවා අනුමත කළ ඇමැතිවරයාත් වැරදියි.” යනුවෙනි.