තම පූර්වගාමියා වූ මහින්ද යාපා අබේවර්ධන, හිටපු නියෝජ්‍ය කථානායක අජිත් රාජපක්ෂ සහ හිටපු නියෝජ්‍ය කාරක සභා සභාපති අංගජන් රාමනාදන් යන අයට එරෙහිව ඔවුන්ගේ ධුර කාලය තුළ අධික ලෙස ඉන්ධන භාවිතා කළ බවට චෝදනා එල්ල වී ඇති අතර, ඔවුන්ට එරෙහිව පියවර ගැනීමේ හැකියාව සොයාබලන ලෙස සභානායක බිමල් රත්නායක අද කථානායක ජගත් වික්‍රමරත්නගෙන් ඉල්ලා සිටියේය.

“හිටපු කථානායක මහින්ද යාපා අබේවර්ධන 2024 ජනවාරි 1 වන දින සිට වාහන නවයක් භාවිතා කර ඉන්ධන සඳහා රුපියල් මිලියන 33 ක් වියදම් කර ඇති අතර, නියෝජ්‍ය කථානායක අජිත් රාජපක්ෂ 2024 දී රුපියල් මිලියන 13 ක වියදමින් වාහන හයක් භාවිතා කර තිබෙනවා. එවකට කාරක සභා නියෝජ්‍ය සභාපති අංගජන් රාමනාදන් 2024 දී ඉන්ධන සඳහා රුපියල් මිලියන 7ක පාඩුවක් සිදුකරමින් වාහන හතරක් භාවිතා කර තිබෙනවා” යැයි අමාත්‍ය රත්නායක පැවැසීය.

“අද මම සභාගත කරන ලියකියවිලි පාර්ලිමේන්තුවේ මුදල් අධ්‍යක්ෂවරයා විසින් සහතික කර තිබෙනවා. මෙම පුද්ගලයින්ට එරෙහිව පියවර ගැනීමේ හැකියාව සොයාබලන ලෙස මම කථානායකවරයාගෙන් ඉල්ලා සිටිනවා” ඔහු තවදුරටත් සඳහන් කළේය.