කැරලි සහ කලකෝලාහල මර්දනය සඳහා කැරලි මර්දන හිස් වැසුම් 1500ක්ද, ගෑස් මුහුණු ආවරණ (මාස්ක්) 750 ක් සහ රබර් බැටන් පොලු 1000ක්ද මිලදී ගැනීමට ටෙන්ඩර් පත් කැඳවා ඇතැයි පොලිස් මූලස්ථානය පවසයි.

‘ඉරිදා ලංකාදීප’ වාර්තා කරන ආකාරයට මේවා ඉදිරියේදී මිලදීගෙන කැරලි මර්දන ඒකකයන්ට අවශ්‍යතාව පරිදි නිකුත් කිරීමට නියමිතය.

කැරලි මර්දන උපකරණ රැසක් මීට පෙරද පොලිසිය විසින් වරින් වර මිලදීගනු ලැබීය.

පසුගිය කාලයේ විවිධ උද්ඝෝෂණවල දී ඇති වූ කලබල මැඩපැවැත්වීමට පොලිසිය කඳුළු ගෑස් සහ බැටන් ප්‍රහාර සිදුකළේය.

විදුලි ගාස්තුව ඉහළ දැමීම, ඉන්ධන මිල හා ගෑස් මිල ඉහළ යෑම, වැට් බද්ද, අත්‍යවශ්‍ය භාණ්ඩ මිල ඉහළ යෑම,සෞඛ්‍ය සේවයේ අඩුපාඩු, ගුරු ගැටලු, රාජ්‍ය ආයතන ප්‍රතිව්‍යුහගත කිරීම ආදී කරුණු රැසක් මුල්කර ගනිමින් ඉදිරි කාලයේදී පුරා උද්ඝෝෂණ සංවිධාන වීමට ඉඩ ඇති ඇති බව බුද්ධි අංශ රජයට කරුණු වාර්තා කර ඇත.