January 25, 2024
රාජ්‍ය ඇමැති සනත් නිශාන්තගේ අභාවය හිටපු ජනාධිපති මහින්ද රාජපක්ෂටත් පක්ෂයටත් පුත්තලම දිස්ත්‍රික්කයේ ජනතාවටත් විශාල පාඩුවක් බව ආණ්ඩු පක්ෂයේ ප්‍රධාන සංවිධායක නාගරික සංවර්ධන හා නිවාස ඇමැති ප්‍රසන්න රණතුංග පවසයි.
සනත් නිශාන්ත පුත්තලම සහ හලාවත ජනතාව වෙනුවෙන් කටයුතු කළ බව ද ඔහු මාධ්‍ය වෙත පැවසීය.
පුත්තලම සහ හලාවත ප්‍රදේශයේ වැඩසටහන් දෙකකට සහභාගී වී කොළඹ බලා යමින් සිටියදී ඔහු මෙම අනතුරට ලක්ව ඇත.
මැයි 9 වැනිදා අරගලය විරෝධතාවයේදී ඔහුගේ පුත්තලම නිල නිවස ගිනිබත් විය.
එබැවින් පුත්තලම ප්‍රදේශයේ ඔහුට විවේක ගැනීමට නිවසක් නොතිබූ අතර, ඔහු නැවත කොළඹ බලා එමින් සිටියදී මෙම අනතුර සිදුවී ඇත.
මීට අමතරව, ඊයේ පාර්ලිමේන්තු සැසිවාරයෙන් පසු ඕස්ට්‍රේලියානු මහ කොමසාරිස් කාර්යාලයේ පැවති උත්සවයකට සනත නිශාන්ත සහභාගී වූ බව ද ඔහු කියා සිටියේය.
පොලිස් පරීක්ෂණවලට අනුව රාජ්‍ය ඇමැතිවරයාගේ රියදුරු බීමතින් සිට නොමැති බවද ඇමැති රණතුංග පැවසීය.
මේ අතර පාර්ලිමේන්තු මන්ත්‍රී චමල් රාජපක්ෂ සහ පාර්ලිමේන්තු මන්ත්‍රී සංජීව එදිරිමාන්න මාධ්‍ය වෙත කියා සිටියේ සනත් නිශාන්ත පක්ෂයට සහ දිස්ත්‍රික්කයට විශාල ශක්තියක් වූ බවයි.
රාජ්‍ය ඇමැතිවරයාගේ අඩුව කිසිවකුට පිරවිය නොහැකි බවද ඔවුහු පැවසූහ.
