July 4, 2024
කරන්දෙණිය ප්‍රදේශය භාර මහජන සෞඛ්‍ය පරීක්ෂකවරයා ඝාතනය කිරීමේ සිද්ධියට සම්බන්ධ තුවක්කුකරු අත්අඩංගුවට ගෙන තිබේ.
අදාළ ඝාතනය පසුගිය පෙබරවාරි මාසයේදී සිදුව තිබුණේ ඇල්පිටිය ප්‍රදේශයේදීය.
ඇල්පිටිය, පතිරාජ මාවතේ පිහිටි මහජන සෞඛ්‍ය පරීක්ෂකවරයාගේ නිවසේදී යතුරුපැදියකින් පැමිණි තුවක්කුකරුවකු විසින් මහජන සෞඛ්‍ය පරීක්ෂකවරයාට වෙඩි තබා ඝාතනය කර තිබිණි.
ඝාතන සිද්ධියේ සැකකරු ගල්කිස්ස ප්‍රදේශයේදී අත්අඩංගුවට ගන්නා අවස්ථාවේදී ඔහු සන්තකයේ ගිනි අවි දෙකක් තිබී සොයාගත් බව පොලිසිය පවසයි.
කරන්දෙණිය මහජන සෞඛ්‍ය පරීක්ෂක 51 හැවිරිදි දීපාල් රොෂාන් කුමාර නැමැත්තා ඝාතනය කිරීම සම්බන්ධයෙන් මෙම පුද්ගලයා අවශ්‍යව සිටියේය.
