2025 ගෝලීය ත්‍රස්තවාදී දර්ශකයේ, ත්‍රස්තවාදය හේතුවෙන් කිසිදු බලපෑමක් නොමැති රටවල් අතර ශ්‍රී ලංකාව ශ්‍රේණිගත කර ඇත.

ආර්ථික විද්‍යාව සහ සාමය පිළිබඳ ආයතනයේ නවතම වාර්තාවට අනුව ශ්‍රී ලංකාව 100 වැනි ස්ථානයේ පසුවන අතර ස්ථාන 64කින් පහත වැටී ත්‍රස්තවාදයෙන් බලපෑමට ලක්නොවූ රටක් ලෙස පවතී.

බුර්කිනා ෆාසෝ, පාකිස්තානය සහ සිරියාව ත්‍රස්තවාදය හේතුවෙන් ඉතා ඉහළ බලපෑම් ඇති රටවල් ලැයිස්තුවේ ඉදිරියෙන් සිටී.

එම වාර්තාවට අනුව, අවම වශයෙන් එක් ත්‍රස්තවාදී සිදුවීමකට මුහුණදෙන රටවල් සංඛ්‍යාව 58 සිට 66 දක්වා ඉහළ ගොස් ඇති අතර එය 2018 සිට වැඩිම බලපෑමට ලක් වූ රටවල් සංඛ්‍යාව වේ.

2024 දී, වසර හතකට පසු පළමු වතාවට ආරක්ෂක තත්ත්වය වැඩිදියුණු වූවාට වඩා රටවල් වැඩි සංඛ්‍යාවක ආරක්ෂක තත්ත්වය පිරිහී ඇති බව එම වාර්තාව අනාවරණ කරයි.

ලැයිස්තුවට අයත් රටවල් 45ක් ත්‍රස්තවාදයෙන් ඉහළ බලපෑමක් ඇති බවට වර්ගීකරණය කර ඇති අතර ආරක්ෂාව තහවුරු බව පෙන්නුම් කර ඇත්තේ රටවල් 34ක පමණි.

ගෝලීය ත්‍රස්තවාදී දර්ශකයට ඇතුළත් රටවල් 163 න් 2007 සිට එකදු ත්‍රස්තවාදී සිද්ධියක් වාර්තා වී නොමැති රටවල් ඇත්තේ 25 ක් පමණි.