March 21, 2024
විදෙස් රටවලට සංක්‍රමණය වූ වෛද්‍යවරුන් අතරින් මේ වසරේ නැවත මෙරටට පැමිණ ඇත්තේ විශේෂඥ වෛද්‍යවරුන් පස්දෙනෙකු පමණක් බව මෑත කාලීන සංඛ්‍යාලේඛන මගින් අනාවරණ වී තිබේ.
එම තත්ත්වය සංක්‍රමණය වූ වෛද්‍යවරුන් ශ්‍රී ලංකාවට පැමිණීම සම්බන්ධයෙන් සෞඛ්‍ය අමාත්‍යංශය කළ ප්‍රකාශයට පටහැනි වේ.
සෞඛ්‍ය අමාත්‍යංශයේ නියෝජ්‍ය අධ්‍යක්ෂ ජනරාල් (වෛද්‍ය සේවා) වෛද්‍ය ජී. විජේසූරිය විසින් මුලින් කරන ලද ප්‍රකාශයේ දී සංඛ්‍යාලේඛන ඉදිරිපත් කිරීමට අපොහොසත් වී තිබිණි.
වෛද්‍ය විජේසුරියගේ එම ප්‍රකාශය වෛද්‍යවරුන්, විශේෂයෙන්ම විදේශයන්හි පශ්චාත් උපාධි පුහුණුව ලබන අය නැවත ශ්‍රී ලංකාවට නොපැමිණීමට තීරණය කරන ප්‍රවණතාවයේ පෙරළියක් කියාසිටියේය.
වෛද්‍ය විජේසුරිය ප්‍රකාශකර තිබුණේ සංක්‍රමණික වෛද්‍යවරු නැවත රට බලා පැමිණීමට පටන් ගෙන ඇති බවයි.
කෙසේවෙතත්, සත්‍ය සංඛ්‍යා ඊට හාත්පසින්ම වෙනස් බවක් පෙන්වයි.
ආපසු පැමිණි විශේෂඥයන් අතළොස්ස අතරට ඇතුළත් වන්නේ නාරිවේද වෛද්‍යවරයකු, ශල්‍ය වෛද්‍යවරයකු, නිර්වින්දන වෛද්‍යවරයකු, ළමා රෝග විශේෂඥ වෛද්‍යවරයකු සහ අක්ෂි වෛද්‍යවරයකු පමණි.
මෙම තත්ත්වය පිළිබඳව අදහස් දැක්වූ ශ්‍රී ලංකා වෛද්‍ය සංගමයේ සභාපති වෛද්‍ය ආනන්ද විජේවික්‍රම පසුගිය වසරේ සංක්‍රමණය වූ වෛද්‍යවරුන්ගේ අතිවිශාල සංඛ්‍යාව අනුව විශේෂඥ වෛද්‍යවරුන් පස් දෙනෙකු නැවත මෙරටට පැමිණීම ධනාත්මක දියුණුවක් ලෙස සැළකිව නොහැකි බව පැවසීය.
සංඛ්‍යාලේඛනවලට අනුව, 2022 වසරේ අග භාගයේ සිට විශේෂඥ වෛද්‍යවරුන් 450කට ආසන්න සංඛ්‍යාවක් සංක්‍රමණය වී ඇති අතර තවත් විශේෂඥයන් 785 දෙනෙකු පුහුණුව සඳහා විදේශගතවීමට නියමිතය.
මේ අතර, වෛද්‍ය වෘත්තිකයන්ගේ සංක්‍රමණය උත්සන්න වීම පිළිබඳ කණස්සල්ල පළ කළ වෛද්‍ය විශේෂඥයන්ගේ සංගමයේ මාධ්‍ය ප්‍රකාශක වෛද්‍ය අශෝක ගුණරත්න කියා සිටියේ විශේෂඥ වෛද්‍යවරුන් නැවත මෙරටට පැමිණීමේ එවැනි ප්‍රවණතාවක් ඔවුන් දැක නොමැති බවයි.
පැහැදිලි සංඛ්‍යා ලේඛන ඉදිරිපත් නොකර මෙවැනි තීරණාත්මක කරුණක් සම්බන්ධයෙන් සෞඛ්‍ය අමාත්‍යංශයට එවැනි හිස් ප්‍රකාශ කළ නොහැකි බවද ඔහු චෝදනා කළේය.
