නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR) පදනම් ලකුණු 100 කින්, එනම් පිළිවෙළින් 9.00%ක් සහ 10.00%ක් දක්වා තවදුරටත් අඩු කිරීමට ශ්‍රී ලංකා මහ බැංකුවේ මුදල් ප්‍රතිපත්ති මණ්ඩලය තීරණය කර ඇත.

බ්‍රහස්පතින්දා (නොවැ.23) පැවති රැස්වීමේදී මුදල් ප්‍රතිපත්ති මණ්ඩලය මෙම තීරණයට එළැඹ ඇත්තේ දේශීය හා ගෝලීය ආර්ථිකයේ වර්තමාන සහ අපේක්ෂිත වර්ධනයන් පිළිබඳ සියුම් විශ්ලේෂණයකින් පසුවය.

ඒ, උද්ධමනය ඉලක්කගත මට්ටමින් 5%ට වඩා ළඟා කර ගැනීම සහ පවත්වාගෙන යෑමේ අරමුණ ඇතිවය.

කෙසේ වෙතත්, මහජනතාවගේ උද්ධමන අපේක්ෂාවන් ස්ථාවරව පවතින අතර ආර්ථික ක්‍රියාකාරකම් ආසන්න හා මධ්‍ය කාලීනව සමාන මට්ටමක පවතිනු ඇතැයි පුරෝකථනය කර තිබේ.

එබැවින් මධ්‍ය කාලීන උද්ධමන ඉදිරි දැක්ම සැළකිව යුතු ලෙස වෙනස් නොකරන බව මහ බැංකුවේ මුදල් ප්‍රතිපත්ති මණ්ඩලය විසින් නිරීක්ෂණය කරන ලදී.

මෙම ප්‍රතිපත්ති පොලී අනුපාත අඩු කිරීමත් සමඟ 2023 ජූනි මාසයේ සිට ක්‍රියාත්මක කරන ලද මුදල් ප්‍රතිපත්ති ක්‍රියාමාර්ග සමඟින් මධ්‍ය කාලීනව උද්ධමනය ස්ථාවර කිරීම සඳහා ප්‍රමාණවත් මුදල් ලිහිල් කිරීමක් සිදු කර ඇති බවද මණ්ඩලය විසින් නිරීක්ෂණය කර තිබේ.

එබැවින්, ඉදිරි කාලය තුළ වෙළෙඳපොළ පොලී අනුපාත සාමාන්‍යකරණය කිරීම වේගවත් කරමින්, මූල්‍ය ආයතන විසින් වෙළෙඳපොළ පොලී අනුපාත, විශේෂයෙන්ම ණය අනුපාත සඳහා මුදල් ලිහිල් කිරීමේ පියවරයන් කඩිනම් සහ සම්පූර්ණයෙන් සම්මත කිරීමේ අවශ්‍යතාව මණ්ඩලය අවධාරණය කරයි.

සිය මාධ්‍ය නිවේදනයේ, ශ්‍රී ලංකා මහ බැංකුව සඳහන් කළේ අඩු ඉල්ලුම් තත්ත්වයන් පිළිබිඹු කරමින් මතුපිට උද්ධමනය අඛණ්ඩව පහළ මට්ටමක පවතින බවයි.