December 12, 2023
තිරප්පනේ කණුමුල්ලේගම වැව අසලින් නිතර යන එන අග්බෝ ඇතාගේ පිට මතට නැගීමට උත්සාහ කළ බීමත් පුද්ගලයකු හස්තියාගේ පහරදීමෙන් තුවාල ලැබ රෝහල්ගත කර තිබේ.
එම පුද්ගලයා ඇතුළත් කර ඇත්තේ අනුරාධපුර ශික්ෂණ රෝහලට ය.
වෙඩි වැදීමෙන් තුවාල ලබා වනජීවී දෙපාර්තමේන්තු පශු වෛද්‍යවරුන්ගේ ප්‍රතිකාර ලබමින් සිටි මෙම හස්තියා සුවය ලැබීමෙන් පසු පසුගියදා කැළයට මුදාහැර තිබිණි.
කෙසේවෙතත්, ඇතා ආහාර සොයා මිනිස් වාසස්ථාන වෙත නිතර නිතර පැමිණෙමින් සිටී.
දෙවතාවක් වන අලියාගේ හොඬවැල යටින් කිසිදු හානියක් නොවන පරිදි ගමන් කළ තරුණයා, ඇතා තමා සුහද බවට හැඟීමක් ඇතිකරගෙන, ගම්වාසීන්ගේ අවවාද නොතකා වලිගයේ එල්ලී උගේ පිටේ නැගීමට තැත්කර තිබේ.
එවිට හස්තියා පසුපස පාදයෙන් පහර දී ඔහුව පන්නා දමා ඇත.
