ශ්‍රී ලංකාවේ Hayleys Fentons Limited වෙත මන්නාරම මෙගාවොට් 50ක සුළං බලාගාරය ඒකකයකට ඇමෙරිකානු ශත 4.65 බැගින් ලබාදීමට නියමිත බව විදුලිබල හා බලශක්ති අමාත්‍යාංශයේ ලේකම් උදයංග හේමපාල පවසයි.

ලංකා විදුලිබල මණ්ඩලය විසින් මෙම බලාගාරය Windforce සමාගම වෙත ඒකකයකට ශත 4.88 බැගින් ලබාදෙන බව පසුගිය වසරේ නිවේදනය කරන ලද අතර එය අඩුම ලංසුව විය.

හේලීස් සමාගම ඉදිරිපත් කළ ලංසුව තාක්ෂණික ගැටළු මත බැහැර කර තිබිණි.

කෙසේවෙතත් අභියාචනා මණ්ඩල ක්‍රියාවලියකින් පසු බලාගාරය එම සමාගම ඉදිරිපත් කළ ලංසුව වෙත ලබාදෙන බව නිලධාරීහු පවසති.

මන්නාරම සුළං පද්ධතියට ඉහළ බලශක්ති විභවයක් ඇති ස්ථානයක් වන අතර එමගින් ශ්‍රී ලංකාවට අඩු මිල විදුලි ජනන හැකියාව ලබාදෙයි.

මේ අතර ඉන්දියාවේ අදානි සමාගමට ලබාදෙන බව පැවැසෙන මන්නාරම සුළං බලාගාරය මගින් නිපදවෙන විදුලිය මිලදීගැනීමේ මිල පිළිබඳව සාකච්ඡා කරමින් සිටින බව රජය ප්‍රකාශ කරයි.

අදානි සමාගම විසින් ශ්‍රී ලංකා රජයට විදුලිය ඒකකයක් මිලදී ගැනීමට මීට පෙර සූදානමින් සිටියේ එක්සත් ජනපද ඩොලර් 8.26ක මිලකටය.

රජය දැන් එම මිල සංශෝධනය කරන බව කියයි.