ඕස්ට්‍රේලියාවේ සිඩ්නි නගරයට ආසන්න ප්‍රදේශයක, රාත්‍රියේදී මංගල උත්සවයක් සඳහා සහභාගී වූ පිරිසක් රැගත් බස් රථයක් පෙරලීමෙන් එම රථයේ ගමන් ගත් පිරිස අතුරින් 10 දෙනකු මිය ගොස් ඇත.

වසර 16කට පසු සිදුවූ මාරාන්තිකම රිය අනතුර මෙය බව පොලිසිය සඳහන් කරයි.

හදිසි සේවකයින් පිරිසක් එම ස්ථානයේ සිට ඇති අතර, ඔවුන්ගේ වාහනවලින් අනතුරට පත් වූ පුද්ගලයින් 20කට වැඩි පිරිසක් රෝහලට ගෙන යාමට උදව් කර ඇත.

තුවාල වූ එක් රෝගියකු බරපතල තත්ත්වයේ පසුවන අතර තවත් 20 දෙනෙකු සාමාන්‍ය තත්ත්වයේ පසුවන බව පොලිසිය පවසයි.

58 හැවිරිදි බස් රථ රියදුරු අත්අඩංගුවට ගැනීමට පෙර රෝහලකදී පරීක්ෂණයක් සිදුකර සෙස්නොක් පොලිස් ස්ථානයේ රඳවා තබා ඇති බව වැඩබලන සහකාර කොමසාරිස් ට්‍රේසි චැප්මන් පැවසීය.

රියදුරුගේ සියලු හැසිරීම් පිළිබඳ විමර්ශන සිදුකරන බවද කොමසාරිස් ට්‍රේසි චැප්මන් සඳහන් කර ඇත.